Tap “Show meaning” under any verse to read its meaning.

1. 1

   कौसल्या सुप्रजा राम पूर्वा सन्ध्या प्रवर्तते । उत्तिष्ठ नरशार्दूल कर्तव्यं दैवमाह्निकम् ॥ १॥

   kausalyā suprajā rāma pūrvā sandhyā pravartate | uttiṣṭha naraśārdūla kartavyaṃ daivamāhnikam || 1||

   Show meaningHide meaning

   Mother Kausalya wakes Rama: "O foremost among men, the eastern dawn has arrived — rise and attend to your daily sacred duties." This traditional invocatory verse, borrowed from the epic, opens the recitation and sets the devotional mood of waking the Lord at dawn.

2. 2

   उत्तिष्ठोत्तिष्ठ गोविन्द उत्तिष्ठ गरुडध्वज । उत्तिष्ठ कमलाकान्त त्रैलोक्यं मङ्गलं कुरु ॥ २॥

   uttiṣṭhottiṣṭha govinda uttiṣṭha garuḍadhvaja | uttiṣṭha kamalākānta trailokyaṃ maṅgalaṃ kuru || 2||

   Show meaningHide meaning

   "Arise, O Govinda! Arise, O Lord whose banner bears Garuda! Arise, O lotus-lovely one, and bring blessing to all three worlds!" The devotee lovingly and repeatedly calls the Lord to wake, for His rising itself sets the day's auspiciousness in motion.

3. 3

   मातस्समस्तजगतां मधुकैटभारेः वक्षोविहारिणि मनोहरदिव्यमूर्ते । श्रीस्वामिनि श्रितजन प्रियदानशीले श्रीवेङ्कटेशदयिते तव सुप्रभातम् ॥ ३॥

   mātassamastajagatāṃ madhukaiṭabhāreḥ vakṣovihāriṇi manoharadivyamūrte | śrīsvāmini śritajana priyadānaśīle śrīveṅkaṭeśadayite tava suprabhātam || 3||

   Show meaningHide meaning

   O Mother of all creation, ever dwelling on the chest of Vishnu, slayer of Madhu-Kaitabha, of enchanting divine form! O gracious Lady who loves to bless those who take refuge in you, beloved consort of Sri Venkatesha — may this too be your auspicious dawn. This verse turns to address the Divine Mother, Sri (Lakshmi).

4. 4

   तव सुप्रभातमरविन्दलोचने भवतु प्रसन्नमुखचन्द्रमण्डले । विधिशङ्करेन्द्रवनिताभिरर्चिते वृषशैलनाथदयिते दयानिधे ॥ ४॥

   tava suprabhātamaravindalocane bhavatu prasannamukhacandramaṇḍale | vidhiśaṅkarendravanitābhirarcite vṛṣaśailanāthadayite dayānidhe || 4||

   Show meaningHide meaning

   O lotus-eyed Goddess, may your dawn be auspicious, your gentle moon-like face radiant with joy! Worshipped by the consorts of Brahma, Shiva and Indra, beloved of the Lord of Vrshashaila, treasure-house of compassion — this verse offers her the morning greeting.

5. 5

   अत्र्यादि सप्तऋषयस्समुपास्य सन्ध्यां आकाशसिन्धुकमलानि मनोहराणि । आदाय पादयुगमर्चयितुं प्रपन्नाः शेषाद्रिशेखरविभो तव सुप्रभातम् ॥ ५॥

   atryādi saptaṛṣayassamupāsya sandhyāṃ ākāśasindhukamalāni manoharāṇi | ādāya pādayugamarcayituṃ prapannāḥ śeṣādriśekharavibho tava suprabhātam || 5||

   Show meaningHide meaning

   The seven sages headed by Atri, having completed their dawn meditation, bring lotus flowers gathered from the celestial Ganga to worship your feet, taking refuge at your door. O Lord crowning the peak of Sesadri, may this be your auspicious dawn — the sages stand ready even before sunrise.

6. 6

   पञ्चाननाब्जभवषण्मुखवासवाद्याः त्रैविक्रमादिचरितं विबुधाः स्तुवन्ति । भाषापतिः पठति वासरशुद्धिमारात् शेषाद्रिशेखरविभो तव सुप्रभातम् ॥ ६॥

   pañcānanābjabhavaṣaṇmukhavāsavādyāḥ traivikramādicaritaṃ vibudhāḥ stuvanti | bhāṣāpatiḥ paṭhati vāsaraśuddhimārāt śeṣādriśekharavibho tava suprabhātam || 6||

   Show meaningHide meaning

   Five-faced Shiva, lotus-born Brahma, six-faced Skanda, Indra and the wise gods sing of your divine deeds beginning with the Trivikrama incarnation, while Brihaspati, lord of speech, recites the purity of the coming day. O Lord on the crest of Sesadri, may this be your auspicious dawn — even the celestials are chanting your glories.

7. 7

   ईषत्प्रफुल्लसरसीरुहनारिकेल पूगद्रुमादि सुमनोहरपालिकानाम् । आवाति मन्दमनिलस्सह दिव्यगन्धैः शेषाद्रिशेखरविभो तव सुप्रभातम् ॥ ७॥

   īṣatpraphullasarasīruhanārikela pūgadrumādi sumanoharapālikānām | āvāti mandamanilassaha divyagandhaiḥ śeṣādriśekharavibho tava suprabhātam || 7||

   Show meaningHide meaning

   A gentle, fragrant breeze wafts from the groves lined with blossoming lotus-ponds, coconut and areca palms, carrying divine perfumes. O Lord on the crest of Sesadri, may this be your auspicious dawn — the verse paints the natural beauty of Tirumala at daybreak.

8. 8

   उन्मील्य नेत्रयुगमुत्तमपञ्जरस्थाः पात्रावशिष्टकदलीफलपायसानि । भुक्त्वा सलीलमथ केलिशुकाः पठन्ति शेषाद्रिशेखरविभो तव सुप्रभातम् ॥ ८॥

   unmīlya netrayugamuttamapañjarasthāḥ pātrāvaśiṣṭakadalīphalapāyasāni | bhuktvā salīlamatha keliśukāḥ paṭhanti śeṣādriśekharavibho tava suprabhātam || 8||

   Show meaningHide meaning

   Waking in their ornate cages, the pet parrots open their eyes, playfully finish the leftover banana and rice-pudding, and begin reciting your holy name. O Lord on the crest of Sesadri, may this be your auspicious dawn — even the caged birds are absorbed in your praise.

9. 9

   तन्त्रीप्रहर्षमधुरस्वनया विपञ्च्या गायत्यनन्तचरितं तव नारदोऽपि । भाषासमग्रमसकृत्करचाररम्यं शेषाद्रिशेखरविभो तव सुप्रभातम् ॥ ९॥

   tantrīpraharṣamadhurasvanayā vipañcyā gāyatyanantacaritaṃ tava nārado'pi | bhāṣāsamagramasakṛtkaracāraramyaṃ śeṣādriśekharavibho tava suprabhātam || 9||

   Show meaningHide meaning

   Sage Narada, plucking his sweet-toned vina named Vipanchi with skillful hands, sings again and again of your limitless deeds, in every language and mode. O Lord on the crest of Sesadri, may this be your auspicious dawn — the celestial sage himself is absorbed in musical praise of you.

10. 10

    भृङ्गावली च मकरन्दरसानुविद्ध झङ्कारगीतनिनदैः सह सेवनाय । निर्यात्युपान्तसरसीकमलोदरेभ्यः शेषाद्रिशेखरविभो तव सुप्रभातम् ॥ १०॥

    bhṛṅgāvalī ca makarandarasānuviddha jhaṅkāragītaninadaiḥ saha sevanāya | niryātyupāntasarasīkamalodarebhyaḥ śeṣādriśekharavibho tava suprabhātam || 10||

    Show meaningHide meaning

    Swarms of honey-laden bees, humming with joy, emerge from the hearts of the lotuses in the nearby pond to render their service to you. O Lord on the crest of Sesadri, may this be your auspicious dawn — even the smallest creatures rise to serve you.

11. 11

    योषागणेन वरदध्नि विमथ्यमाने घोषालयेषु दधिमन्थनतीव्रघोषाः । रोषात्कलिं विदधते ककुभश्च कुम्भाः शेषाद्रिशेखरविभो तव सुप्रभातम् ॥ ११॥

    yoṣāgaṇena varadadhni vimathyamāne ghoṣālayeṣu dadhimanthanatīvraghoṣāḥ | roṣātkaliṃ vidadhate kakubhaśca kumbhāḥ śeṣādriśekharavibho tava suprabhātam || 11||

    Show meaningHide meaning

    In the cowsheds, women churn the finest curd, and the sharp clatter of the churning rings out so fiercely that, as if in anger, both the very quarters of the sky and the pots themselves seem to quarrel with one another. O Lord on the crest of Sesadri, may this be your auspicious dawn — the bustle of pastoral life too announces the arrival of morning.

12. 12

    पद्मेशमित्रशतपत्रगतालिवर्गाः हर्तुं श्रियं कुवलयस्य निजाङ्गलक्ष्म्या । भेरीनिनादमिव बिभ्रति तीव्रनादं शेषाद्रिशेखरविभो तव सुप्रभातम् ॥ १२॥

    padmeśamitraśatapatragatālivargāḥ hartuṃ śriyaṃ kuvalayasya nijāṅgalakṣmyā | bherīninādamiva bibhrati tīvranādaṃ śeṣādriśekharavibho tava suprabhātam || 12||

    Show meaningHide meaning

    The swarms of bees hovering over the hundred-petalled lotuses hum so loudly, as if sounding war-drums, that they seem intent on stealing the beauty of the blue lily with their own dark radiance. O Lord on the crest of Sesadri, may this be your auspicious dawn — the verse likens the morning's stirring sounds to victory-drums heralding your rising.

13. 13

    श्रीमन्नभीष्टवरदाखिललोकबन्धो श्रीश्रीनिवास जगदेकदयैकसिन्धो । श्रीदेवतागृहभुजान्तर दिव्यमूर्ते श्रीवेङ्कटाचलपते तव सुप्रभातम् ॥ १३॥

    śrīmannabhīṣṭavaradākhilalokabandho śrīśrīnivāsa jagadekadayaikasindho | śrīdevatāgṛhabhujāntara divyamūrte śrīveṅkaṭācalapate tava suprabhātam || 13||

    Show meaningHide meaning

    O Lord who fulfils every wish of your devotees, kinsman of all worlds, Sri Srinivasa, the sole ocean of compassion for the universe! O divine form seated within the very bosom of the Goddess! O Lord of the Venkata hill, may this be your auspicious dawn — from here the hymn addresses the Lord directly.

14. 14

    श्रीस्वामिपुष्करिणिकाऽऽप्लवनिर्मलाङ्गाः श्रेयोऽर्थिनो हरविरिञ्चिसनन्दनाद्याः । द्वारे वसन्ति वरवेत्रहतोत्तमाङ्गाः श्रीवेङ्कटाचलपते तव सुप्रभातम् ॥ १४॥

    śrīsvāmipuṣkariṇikā''plavanirmalāṅgāḥ śreyo'rthino haraviriñcisanandanādyāḥ | dvāre vasanti varavetrahatottamāṅgāḥ śrīveṅkaṭācalapate tava suprabhātam || 14||

    Show meaningHide meaning

    Purified by bathing in the sacred Swami Pushkarini pond, Hara, Brahma and sages like Sanandana wait at your gate seeking your grace, their heads gently tapped by the golden staff of the doorkeeper to keep order. O Lord of the Venkata hill, may this be your auspicious dawn — a vivid picture of the crowd waiting at the temple gate.

15. 15

    श्रीशेषशैलगरुडाचलवेङ्कटाद्रि नारायणाद्रिवृषभाद्रिवृषाद्रिमुख्याम् । आख्यां त्वदीयवसतेरनिशं वदन्ति श्रीवेङ्कटाचलपते तव सुप्रभातम् ॥ १५॥

    śrīśeṣaśailagaruḍācalaveṅkaṭādri nārāyaṇādrivṛṣabhādrivṛṣādrimukhyām | ākhyāṃ tvadīyavasateraniśaṃ vadanti śrīveṅkaṭācalapate tava suprabhātam || 15||

    Show meaningHide meaning

    People speak ceaselessly of your abode by many sacred names — Seshasaila, Garudachala, Venkatadri, Narayanadri, Vrshabhadri, Vrshadri and more. O Lord of the Venkata hill, may this be your auspicious dawn — the verse glorifies the many names of the holy hill on which you reside.

16. 16

    सेवापराः शिवसुरेशकृशानुधर्म रक्षोऽम्बुनाथपवमानधनाधिनाथाः । बद्धाञ्जलिप्रविलसन्निजशीर्षदेशाः श्रीवेङ्कटाचलपते तव सुप्रभातम् ॥ १६॥

    sevāparāḥ śivasureśakṛśānudharma rakṣo'mbunāthapavamānadhanādhināthāḥ | baddhāñjalipravilasannijaśīrṣadeśāḥ śrīveṅkaṭācalapate tava suprabhātam || 16||

    Show meaningHide meaning

    Shiva, Indra, Agni, Dharma-raja, the lord of demons, the ocean-lord Varuna, Vayu and Kubera — the eight guardians of the directions — stand with joined palms and bowed heads, engaged in your service. O Lord of the Venkata hill, may this be your auspicious dawn — the very guardians of the cosmos wait upon you.

17. 17

    धाटीषु ते विहगराजमृगाधिराज नागाधिराजगजराजहयाधिराजाः । स्वस्वाधिकारमहिमाधिकमर्थयन्ते श्रीवेङ्कटाचलपते तव सुप्रभातम् ॥ १७॥

    dhāṭīṣu te vihagarājamṛgādhirāja nāgādhirājagajarājahayādhirājāḥ | svasvādhikāramahimādhikamarthayante śrīveṅkaṭācalapate tava suprabhātam || 17||

    Show meaningHide meaning

    On your processional paths wait the king of birds (Garuda), the king of beasts (the lion), the king of serpents (Shesha), the king of elephants and the king of horses, each seeking greater honour in his own domain from you. O Lord of the Venkata hill, may this be your auspicious dawn — even the noblest of creatures long for your favour.

18. 18

    सूर्येन्दुभौमबुधवाक्पतिकाव्यसौरि स्वर्भानुकेतुदिविषत्परिषत्प्रधानाः । त्वद्दासदासचरमावधिदासदासाः श्रीवेङ्कटाचलपते तव सुप्रभातम् ॥ १८॥

    sūryendubhaumabudhavākpatikāvyasauri svarbhānuketudiviṣatpariṣatpradhānāḥ | tvaddāsadāsacaramāvadhidāsadāsāḥ śrīveṅkaṭācalapate tava suprabhātam || 18||

    Show meaningHide meaning

    The Sun, Moon, Mars, Mercury, Jupiter, Venus, Saturn, Rahu and Ketu — the nine celestial bodies — along with the chiefs of the heavenly assembly, stand humbly as the servants of your servants' servants. O Lord of the Venkata hill, may this be your auspicious dawn — even the planets count themselves fortunate to serve you.

19. 19

    त्वत्पादधूलिभरितस्फुरितोत्तमाङ्गाः स्वर्गापवर्गनिरपेक्षनिजान्तरङ्गाः । कल्पागमाकलनयाऽऽकुलतां लभन्ते श्रीवेङ्कटाचलपते तव सुप्रभातम् ॥ १९॥

    tvatpādadhūlibharitasphuritottamāṅgāḥ svargāpavarganirapekṣanijāntaraṅgāḥ | kalpāgamākalanayā''kulatāṃ labhante śrīveṅkaṭācalapate tava suprabhātam || 19||

    Show meaningHide meaning

    Those whose foreheads gleam, dusted with the pollen of your feet, crave neither heaven nor liberation; yet at the very thought of how long a whole kalpa (cosmic age) must pass before your next darshan, they grow restless with longing — so deep is their yearning for you. O Lord of the Venkata hill, may this be your auspicious dawn.

20. 20

    त्वद्गोपुराग्रशिखराणि निरीक्षमाणाः स्वर्गापवर्गपदवीं परमां श्रयन्तः । मर्त्या मनुष्यभुवने मतिमाश्रयन्ते श्रीवेङ्कटाचलपते तव सुप्रभातम् ॥ २०॥

    tvadgopurāgraśikharāṇi nirīkṣamāṇāḥ svargāpavargapadavīṃ paramāṃ śrayantaḥ | martyā manuṣyabhuvane matimāśrayante śrīveṅkaṭācalapate tava suprabhātam || 20||

    Show meaningHide meaning

    Even mortal beings dwelling in the human world, merely by beholding the lofty tops of your temple towers from afar, gain the wisdom that leads to the supreme path of heaven and liberation. O Lord of the Venkata hill, may this be your auspicious dawn — a mere glimpse of your spire inspires the seeker toward freedom.

21. 21

    श्रीभूमिनायक दयादिगुणामृताब्धे देवाधिदेव जगदेकशरण्यमूर्ते । श्रीमन्ननन्तगरुडादिभिरर्चिताङ्घ्रे श्रीवेङ्कटाचलपते तव सुप्रभातम् ॥ २१॥

    śrībhūmināyaka dayādiguṇāmṛtābdhe devādhideva jagadekaśaraṇyamūrte | śrīmannanantagaruḍādibhirarcitāṅghre śrīveṅkaṭācalapate tava suprabhātam || 21||

    Show meaningHide meaning

    O Lord of Sri and Bhu, ocean of nectarine compassion and virtue, God of gods, sole refuge of the entire universe, whose feet are worshipped by Adishesha, Garuda and their kind! O Lord of the Venkata hill, may this be your auspicious dawn.

22. 22

    श्रीपद्मनाभ पुरुषोत्तम वासुदेव वैकुण्ठ माधव जनार्दन चक्रपाणे । श्रीवत्सचिह्न शरणागतपारिजात श्रीवेङ्कटाचलपते तव सुप्रभातम् ॥ २२॥

    śrīpadmanābha puruṣottama vāsudeva vaikuṇṭha mādhava janārdana cakrapāṇe | śrīvatsacihna śaraṇāgatapārijāta śrīveṅkaṭācalapate tava suprabhātam || 22||

    Show meaningHide meaning

    O Padmanabha, Purushottama, Vasudeva, Lord of Vaikuntha, Madhava, Janardana, wielder of the discus, bearer of the Srivatsa mark, the very wish-fulfilling tree for those who surrender! O Lord of the Venkata hill, may this be your auspicious dawn — a garland of the Lord's sacred names.

23. 23

    कन्दर्पदर्पहरसुन्दरदिव्यमूर्ते कान्ताकुचाम्बुरुहकुड्मललोलदृष्टे । कल्याणनिर्मलगुणाकरदिव्यकीर्ते श्रीवेङ्कटाचलपते तव सुप्रभातम् ॥ २३॥

    kandarpadarpaharasundaradivyamūrte kāntākucāmburuhakuḍmalaloladṛṣṭe | kalyāṇanirmalaguṇākaradivyakīrte śrīveṅkaṭācalapate tava suprabhātam || 23||

    Show meaningHide meaning

    O beautiful divine form that eclipses Cupid's own pride, whose glance rests tenderly upon your beloved, mine of pure and auspicious virtues, of celestial renown! O Lord of the Venkata hill, may this be your auspicious dawn.

24. 24

    मीनाकृते कमठकोलनृसिंहवर्णिन् स्वामिन् परश्वधतपोधन रामचन्द्र । शेषांशराम यदुनन्दन कल्किरूप श्रीवेङ्कटाचलपते तव सुप्रभातम् ॥ २४॥

    mīnākṛte kamaṭhakolanṛsiṃhavarṇin svāmin paraśvadhatapodhana rāmacandra | śeṣāṃśarāma yadunandana kalkirūpa śrīveṅkaṭācalapate tava suprabhātam || 24||

    Show meaningHide meaning

    O Lord who took the forms of the Fish (Matsya), Tortoise (Kurma), Boar (Varaha), Man-Lion (Narasimha), the celibate Vamana (addressed as ‘Varṇin’), Parashurama (the axe-wielding ascetic), Ramachandra, Balarama (Śeṣāṃśa), Krishna (Yadunandana) and Kalki! O Lord of the Venkata hill, may this be your auspicious dawn — the verse recalls the Lord’s ten incarnations (Dashavatara).

25. 25

    एलालवङ्गघनसारसुगन्धितीर्थं दिव्यं वियत्सरिति हेमघटेषु पूर्णम् । धृत्वाऽऽद्य वैदिकशिखामणयः प्रहृष्टाः तिष्ठन्ति वेङ्कटपते तव सुप्रभातम् ॥ २५॥

    elālavaṅgaghanasārasugandhitīrthaṃ divyaṃ viyatsariti hemaghaṭeṣu pūrṇam | dhṛtvā''dya vaidikaśikhāmaṇayaḥ prahṛṣṭāḥ tiṣṭhanti veṅkaṭapate tava suprabhātam || 25||

    Show meaningHide meaning

    Learned Vedic priests stand joyfully, holding golden pitchers brimming with the celestial Ganga's water, fragrant with cardamom, cloves and camphor, ready for your morning bath. O Lord of Venkata, may this be your auspicious dawn — the scene of preparation for the sacred abhisheka.

26. 26

    भास्वानुदेति विकचानि सरोरुहाणि सम्पूरयन्ति निनदैः ककुभो विहङ्गाः । श्रीवैष्णवास्सततमर्थितमङ्गलास्ते धामाश्रयन्ति तव वेङ्कट सुप्रभातम् ॥ २६॥

    bhāsvānudeti vikacāni saroruhāṇi sampūrayanti ninadaiḥ kakubho vihaṅgāḥ | śrīvaiṣṇavāssatatamarthitamaṅgalāste dhāmāśrayanti tava veṅkaṭa suprabhātam || 26||

    Show meaningHide meaning

    The sun has risen, lotuses have blossomed, birds fill every direction with their song, and devoted Vaishnavas, ever seeking your blessing, hasten to your abode. O Venkata, may this be your auspicious dawn.

27. 27

    ब्रह्मादयस्सुरवरास्समहर्षयस्ते सन्तस्सनन्दनमुखास्त्वथ योगिवर्याः । धामान्तिके तव हि मङ्गलवस्तुहस्ताः श्रीवेङ्कटाचलपते तव सुप्रभातम् ॥ २७॥

    brahmādayassuravarāssamaharṣayaste santassanandanamukhāstvatha yogivaryāḥ | dhāmāntike tava hi maṅgalavastuhastāḥ śrīveṅkaṭācalapate tava suprabhātam || 27||

    Show meaningHide meaning

    Brahma and the foremost gods, great sages, saints like Sanandana and eminent yogis all stand near your abode, their hands bearing auspicious offerings for you. O Lord of the Venkata hill, may this be your auspicious dawn.

28. 28

    लक्ष्मीनिवास निरवद्यगुणैकसिन्धो संसारसागरसमुत्तरणैकसेतो । वेदान्तवेद्य निजवैभव भक्तभोग्य श्रीवेङ्कटाचलपते तव सुप्रभातम् ॥ २८॥

    lakṣmīnivāsa niravadyaguṇaikasindho saṃsārasāgarasamuttaraṇaikaseto | vedāntavedya nijavaibhava bhaktabhogya śrīveṅkaṭācalapate tava suprabhātam || 28||

    Show meaningHide meaning

    O abode of Lakshmi, sole ocean of flawless virtues, the very bridge that carries souls across the ocean of transmigration! O one known through Vedanta, who delights devotees with your own glory! O Lord of the Venkata hill, may this be your auspicious dawn — the closing invocation of the main Suprabhatam section.

29. 29

    इत्थं वृषाचलपतेरिह सुप्रभातं ये मानवाः प्रतिदिनं पठितुं प्रवृत्ताः । तेषां प्रभातसमये स्मृतिरङ्गभाजां प्रज्ञां परार्थसुलभां परमां प्रसूते ॥ २९॥

    itthaṃ vṛṣācalapateriha suprabhātaṃ ye mānavāḥ pratidinaṃ paṭhituṃ pravṛttāḥ | teṣāṃ prabhātasamaye smṛtiraṅgabhājāṃ prajñāṃ parārthasulabhāṃ paramāṃ prasūte || 29||

    Show meaningHide meaning

    Thus, those devotees who make it their daily practice to recite this Suprabhatam of the Lord of Vrshachala find that this dawn remembrance bestows upon their hearts the supreme wisdom that easily leads to the highest good. This closing fruit-declaring verse proclaims the spiritual benefit of the recitation.

30. 30

    कमलाकुचचूचुककुङ्कुमतो नियतारुणितातुलनीलतनो । कमलायतलोचन लोकपते विजयी भव वेङ्कटशैलपते ॥ १॥

    kamalākucacūcukakuṅkumato niyatāruṇitātulanīlatano | kamalāyatalocana lokapate vijayī bhava veṅkaṭaśailapate || 1||

    Show meaningHide meaning

    O lotus-eyed Lord of the world, whose dark form is forever tinged with the crimson glow of the vermilion from Lakshmi's breast — O Lord of Venkata hill, may you be ever victorious! This opening verse of the Stotram section begins with an invocation of triumph.

31. 31

    सचतुर्मुखषण्मुखपञ्चमुख-प्रमुखाखिलदैवतमौलिमणे । शरणागतवत्सल सारनिधे परिपालय मां वृषशैलपते ॥ २॥

    sacaturmukhaṣaṇmukhapañcamukha-pramukhākhiladaivatamaulimaṇe | śaraṇāgatavatsala sāranidhe paripālaya māṃ vṛṣaśailapate || 2||

    Show meaningHide meaning

    O crest-jewel gracing the crowns of all deities — four-faced Brahma, six-faced Skanda, five-faced Shiva and others — O treasure of affection for those who take refuge in you! O Lord of Vrshashaila, please protect and sustain me.

32. 32

    अतिवेलतया तव दुर्विषहैः अनुवेलकृतैरपराधशतैः । भरितं त्वरितं वृषशैलपते परया कृपया परिपाहि हरे ॥ ३॥

    ativelatayā tava durviṣahaiḥ anuvelakṛtairaparādhaśataiḥ | bharitaṃ tvaritaṃ vṛṣaśailapate parayā kṛpayā paripāhi hare || 3||

    Show meaningHide meaning

    Laden with hundreds of unbearable transgressions committed again and again beyond measure — O Lord of Vrshashaila, swiftly protect me with your supreme compassion, O Hari!

33. 33

    अधिवेङ्कटशैलमुदारमते-र्जनताभिमताधिकदानरतात् । परदेवतया गदितान्निगमैः कमलादयितान्न परं कलये ॥ ४॥

    adhiveṅkaṭaśailamudāramate-rjanatābhimatādhikadānaratāt | paradevatayā gaditānnigamaiḥ kamalādayitānna paraṃ kalaye || 4||

    Show meaningHide meaning

    None do I regard as higher than the noble-hearted Lord dwelling on Venkata hill, ever eager to give more than his devotees even desire, proclaimed by the Vedas as the Supreme Deity, beloved of Lakshmi (Kamala).

34. 34

    कलवेणुरवावशगोपवधू-शतकोटिवृतात्स्मरकोटिसमात् । प्रतिवल्लविकाभिमतात्सुखदात् वसुदेवसुतान्न परं कलये ॥ ५॥

    kalaveṇuravāvaśagopavadhū-śatakoṭivṛtātsmarakoṭisamāt | prativallavikābhimatātsukhadāt vasudevasutānna paraṃ kalaye || 5||

    Show meaningHide meaning

    None do I regard as higher than the son of Vasudeva, surrounded by countless cowherd maidens enchanted by the sweet sound of his flute, radiant as a thousand Cupids, granting joy and fulfilling the wish of every gopi. This verse recalls the sweetness of Krishna's pastoral pastimes.

35. 35

    अभिरामगुणाकर दाशरथे जगदेकधनुर्धर धीरमते । रघुनायक राम रमेश विभो वरदो भव देव दयाजलधे ॥ ६॥

    abhirāmaguṇākara dāśarathe jagadekadhanurdhara dhīramate | raghunāyaka rāma rameśa vibho varado bhava deva dayājaladhe || 6||

    Show meaningHide meaning

    O mine of gracious virtues, son of Dasharatha, the world's unrivalled archer, steadfast of mind, leader of the Raghus, Rama, Lord of Lakshmi! O ocean of compassion, be gracious and grant your boon.

36. 36

    अवनीतनयाकमनीयकरं रजनीकरचारुमुखाम्बुरुहम् । रजनीचरराजतमोमिहिरं महनीयमहं रघुराममये ॥ ७॥

    avanītanayākamanīyakaraṃ rajanīkaracārumukhāmburuham | rajanīcararājatamomihiraṃ mahanīyamahaṃ raghurāmamaye || 7||

    Show meaningHide meaning

    Whose hand is dear to Sita, daughter of the Earth, whose lotus face is lovely as the moon, who is the very sun that dispels the darkness of the night-roaming demons — I glorify that great Raghurama.

37. 37

    सुमुखं सुहृदं सुलभं सुखदं स्वनुजं च सुकायममोघशरम् । अपहाय रघूद्वहमन्यमहं न कथञ्चन कञ्चन जातु भजे ॥ ८॥

    sumukhaṃ suhṛdaṃ sulabhaṃ sukhadaṃ svanujaṃ ca sukāyamamoghaśaram | apahāya raghūdvahamanyamahaṃ na kathañcana kañcana jātu bhaje || 8||

    Show meaningHide meaning

    Fair of face, a true friend, easily attained, the giver of happiness, ever with his devoted younger brother, of graceful form, whose arrow never misses its mark — forsaking Raghunatha, I shall never, under any circumstance, worship another.

38. 38

    विना वेङ्कटेशं न नाथो न नाथः सदा वेङ्कटेशं स्मरामि स्मरामि । हरे वेङ्कटेश प्रसीद प्रसीद प्रियं वेङ्कटेश प्रयच्छ प्रयच्छ ॥ ९॥

    vinā veṅkaṭeśaṃ na nātho na nāthaḥ sadā veṅkaṭeśaṃ smarāmi smarāmi | hare veṅkaṭeśa prasīda prasīda priyaṃ veṅkaṭeśa prayaccha prayaccha || 9||

    Show meaningHide meaning

    Without Venkatesha I have no other lord, no other lord; I ever remember Venkatesha alone, remember him alone. O Hari Venkatesha, be gracious, be gracious! O Venkatesha, grant me your love, grant it, grant it!

39. 39

    अहं दूरतस्ते पदाम्भोजयुग्म-प्रणामेच्छयाऽऽगत्य सेवां करोमि । सकृत्सेवया नित्यसेवाफलं त्वं प्रयच्छ प्रयच्छ प्रभो वेङ्कटेश ॥ १०॥

    ahaṃ dūrataste padāmbhojayugma-praṇāmecchayā''gatya sevāṃ karomi | sakṛtsevayā nityasevāphalaṃ tvaṃ prayaccha prayaccha prabho veṅkaṭeśa || 10||

    Show meaningHide meaning

    From afar have I come, longing to bow before your two lotus feet, and I now offer this humble service; grant me, O Lord Venkatesha, the fruit of eternal, unbroken service even for this single act.

40. 40

    अज्ञानिना मया दोषान् अशेषान्विहितान् हरे । क्षमस्व त्वं क्षमस्व त्वं शेषशैलशिखामणे ॥ ११॥

    ajñāninā mayā doṣān aśeṣānvihitān hare | kṣamasva tvaṃ kṣamasva tvaṃ śeṣaśailaśikhāmaṇe || 11||

    Show meaningHide meaning

    In my ignorance I have committed countless faults; forgive me, O crest-jewel of Seshasaila, forgive me! This closing verse of the Stotram section is a humble plea for the Lord's pardon.

41. 41

    ईशानां जगतोऽस्य वेङ्कटपतेर्विष्णोः परां प्रेयसीं तद्वक्षस्स्थलनित्यवासरसिकां तत्क्षान्तिसंवर्धिनीम् । पद्मालङ्कृतपाणिपल्लवयुगां पद्मासनस्थां श्रियं वात्सल्यादिगुणोज्ज्वलां भगवतीं वन्दे जगन्मातरम् ॥ १॥

    īśānāṃ jagato'sya veṅkaṭapaterviṣṇoḥ parāṃ preyasīṃ tadvakṣassthalanityavāsarasikāṃ tatkṣāntisaṃvardhinīm | padmālaṅkṛtapāṇipallavayugāṃ padmāsanasthāṃ śriyaṃ vātsalyādiguṇojjvalāṃ bhagavatīṃ vande jaganmātaram || 1||

    Show meaningHide meaning

    I bow to the divine Mother Sri, the supreme beloved of Vishnu, Lord of Venkata — she who dwells ever upon his chest, nurturing his patience toward the world's faults, her hands, tender as shoots, adorned with a lotus, seated upon a lotus throne, radiant with motherly love and grace. This is the opening meditation verse of the Prapatti (surrender) section.

42. 42

    श्रीमन् कृपाजलनिधे कृतसर्वलोक सर्वज्ञ शक्त नतवत्सल सर्वशेषिन् । स्वामिन् सुशील सुलभाश्रितपारिजात श्रीवेङ्कटेशचरणौ शरणं प्रपद्ये ॥ २॥

    śrīman kṛpājalanidhe kṛtasarvaloka sarvajña śakta natavatsala sarvaśeṣin | svāmin suśīla sulabhāśritapārijāta śrīveṅkaṭeśacaraṇau śaraṇaṃ prapadye || 2||

    Show meaningHide meaning

    O gracious ocean of compassion, creator of all worlds, all-knowing, all-mighty, affectionate to those who bow before you, lord of all! O gentle one, the wish-fulfilling tree easily attained by those who take shelter — I take refuge at the two feet of Sri Venkatesha.

43. 43

    आनूपुरार्पितसुजातसुगन्धिपुष्प-सौरभ्यसौरभकरौ समसन्निवेशौ । सौम्यौ सदाऽनुभवनेऽपि नवानुभाव्यौ श्रीवेङ्कटेशचरणौ शरणं प्रपद्ये ॥ ३॥

    ānūpurārpitasujātasugandhipuṣpa-saurabhyasaurabhakarau samasanniveśau | saumyau sadā'nubhavane'pi navānubhāvyau śrīveṅkaṭeśacaraṇau śaraṇaṃ prapadye || 3||

    Show meaningHide meaning

    Fragrant with the perfume of fresh, sweet-smelling flowers placed near the anklets, symmetrically adorned, gentle by nature, yet ever fresh and newly delightful with each experience — I take refuge at those two feet of Sri Venkatesha.

44. 44

    सद्योविकासिसमुदित्वरसान्द्रराग-सौरभ्यनिर्भरसरोरुहसाम्यवार्ताम् । सम्यक्षु साहसपदेषु विलेखयन्तौ श्रीवेङ्कटेशचरणौ शरणं प्रपद्ये ॥ ४॥

    sadyovikāsisamuditvarasāndrarāga-saurabhyanirbharasaroruhasāmyavārtām | samyakṣu sāhasapadeṣu vilekhayantau śrīveṅkaṭeśacaraṇau śaraṇaṃ prapadye || 4||

    Show meaningHide meaning

    Whose two feet promptly erase, in the very audacious claims themselves, the freshly-blossomed, deep-red, fragrance-laden lotus's pretension to equal beauty — I take refuge at those two feet of Sri Venkatesha.

45. 45

    रेखामयध्वजसुधाकलशातपत्र वज्राङ्कुशाम्बुरुहकल्पकशङ्खचक्रैः । भव्यैरलङ्कृततलौ परतत्त्वचिन्हैः श्रीवेङ्कटेशचरणौ शरणं प्रपद्ये ॥ ५॥

    rekhāmayadhvajasudhākalaśātapatra vajrāṅkuśāmburuhakalpakaśaṅkhacakraiḥ | bhavyairalaṅkṛtatalau paratattvacinhaiḥ śrīveṅkaṭeśacaraṇau śaraṇaṃ prapadye || 5||

    Show meaningHide meaning

    Their soles gloriously adorned with the auspicious emblems of the highest reality traced in outline — the flag, nectar-pot, royal umbrella, thunderbolt, elephant-goad, lotus, wish-tree, conch and discus — I take refuge at those two feet of Sri Venkatesha.

46. 46

    ताम्रोदरद्युतिपराजितपद्मरागौ बाह्यैर्महोभिरभिभूतमहेन्द्रनीलौ । उद्यन्नखांशुभिरुदस्तशशाङ्कभासौ श्रीवेङ्कटेशचरणौ शरणं प्रपद्ये ॥ ६॥

    tāmrodaradyutiparājitapadmarāgau bāhyairmahobhirabhibhūtamahendranīlau | udyannakhāṃśubhirudastaśaśāṅkabhāsau śrīveṅkaṭeśacaraṇau śaraṇaṃ prapadye || 6||

    Show meaningHide meaning

    Whose reddish inner glow outshines even the ruby, whose outer radiance eclipses even the sapphire, whose rising toenail-light dims even the brilliance of the moon — I take refuge at those two feet of Sri Venkatesha.

47. 47

    सप्रेमभीति कमलाकरपल्लवाभ्यां संवाहनेऽपि सपदि क्लममादधानौ । कान्ताववाङ्ग्मनसगोचरसौकुमार्यौ श्रीवेङ्कटेशचरणौ शरणं प्रपद्ये ॥ ७॥

    sapremabhīti kamalākarapallavābhyāṃ saṃvāhane'pi sapadi klamamādadhānau | kāntāvavāṅgmanasagocarasaukumāryau śrīveṅkaṭeśacaraṇau śaraṇaṃ prapadye || 7||

    Show meaningHide meaning

    So delicate that even the loving, reverent massage by Lakshmi's tender lotus-hands seems, in a trice, to weary them — a tenderness beyond the reach of speech or mind — I take refuge at those two feet of Sri Venkatesha.

48. 48

    लक्ष्मीमहीतदनुरूपनिजानुभाव-नीलादिदिव्यमहिषीकरपल्लवानाम् । आरुण्यसङ्क्रमणतः किल सान्द्ररागौ श्रीवेङ्कटेशचरणौ शरणं प्रपद्ये ॥ ८॥

    lakṣmīmahītadanurūpanijānubhāva-nīlādidivyamahiṣīkarapallavānām | āruṇyasaṅkramaṇataḥ kila sāndrarāgau śrīveṅkaṭeśacaraṇau śaraṇaṃ prapadye || 8||

    Show meaningHide meaning

    Deepened by the very touch and closeness of the hands of Lakshmi, Bhudevi and the other divine queens like Nila Devi, whose own reddish glow has, as it were, transferred onto them — I take refuge at those two feet of Sri Venkatesha.

49. 49

    नित्यानमद्विधिशिवादिकिरीटकोटि-प्रत्युप्तदीप्तनवरत्नमहःप्ररोहैः । नीराजनाविधिमुदारमुपादधानौ श्रीवेङ्कटेशचरणौ शरणं प्रपद्ये ॥ ९॥

    nityānamadvidhiśivādikirīṭakoṭi-pratyuptadīptanavaratnamahaḥprarohaiḥ | nīrājanāvidhimudāramupādadhānau śrīveṅkaṭeśacaraṇau śaraṇaṃ prapadye || 9||

    Show meaningHide meaning

    Ever receiving a splendid waving-lamp offering (aarti) from the radiant nine-gem light streaming from the crowns of Brahma, Shiva and others who bow before them constantly — I take refuge at those two feet of Sri Venkatesha.

50. 50

    विष्णोः पदे परम इत्युदितप्रशंसौ यौ मध्व उत्स इति भोग्यतयाऽप्युपात्तौ । भूयस्तथेति तव पाणितलप्रदिष्टौ श्रीवेङ्कटेशचरणौ शरणं प्रपद्ये ॥ १०॥

    viṣṇoḥ pade parama ityuditapraśaṃsau yau madhva utsa iti bhogyatayā'pyupāttau | bhūyastatheti tava pāṇitalapradiṣṭau śrīveṅkaṭeśacaraṇau śaraṇaṃ prapadye || 10||

    Show meaningHide meaning

    Praised in the Veda as the supreme abode — "the highest step of Vishnu" — and also described as the very source of sweetness to be enjoyed, and shown again by your own hand as being truly so — I take refuge at those two feet of Sri Venkatesha.

51. 51

    पार्थाय तत्सदृशसारथिना त्वयैव यौ दर्शितौ स्वचरणौ शरणं व्रजेति । भूयोऽपि मह्यमिह तौ करदर्शितौ ते श्रीवेङ्कटेशचरणौ शरणं प्रपद्ये ॥ ११॥

    pārthāya tatsadṛśasārathinā tvayaiva yau darśitau svacaraṇau śaraṇaṃ vrajeti | bhūyo'pi mahyamiha tau karadarśitau te śrīveṅkaṭeśacaraṇau śaraṇaṃ prapadye || 11||

    Show meaningHide meaning

    The very feet you once showed to Arjuna, becoming his matching charioteer and saying "take refuge in these feet," are again shown to me here, this very life, by your own hand — I take refuge at those two feet of Sri Venkatesha.

52. 52

    मन्मूर्ध्नि कालियफणे विकटाटवीषु श्रीवेङ्कटाद्रिशिखरे शिरसि श्रुतीनाम् । चित्तेऽप्यनन्यमनसां सममाहितौ ते श्रीवेङ्कटेशचरणौ शरणं प्रपद्ये ॥ १२॥

    manmūrdhni kāliyaphaṇe vikaṭāṭavīṣu śrīveṅkaṭādriśikhare śirasi śrutīnām | citte'pyananyamanasāṃ samamāhitau te śrīveṅkaṭeśacaraṇau śaraṇaṃ prapadye || 12||

    Show meaningHide meaning

    Equally established upon my own head, upon the hoods of the serpent Kaliya, in fearsome forests, upon the peak of Venkatadri, upon the crown of the Vedas, and steadfastly fixed too in the hearts of single-minded devotees — I take refuge at those two feet of Sri Venkatesha.

53. 53

    अम्लानहृष्यदवनीतलकीर्णपुष्पौ श्रीवेङ्कटाद्रिशिखराभरणायमानौ । आनन्दिताखिलमनोनयनौ तवैतौ श्रीवेङ्कटेशचरणौ शरणं प्रपद्ये ॥ १३॥

    amlānahṛṣyadavanītalakīrṇapuṣpau śrīveṅkaṭādriśikharābharaṇāyamānau | ānanditākhilamanonayanau tavaitau śrīveṅkaṭeśacaraṇau śaraṇaṃ prapadye || 13||

    Show meaningHide meaning

    Upon which the earth, ever fresh and joyful, ceaselessly scatters flowers, adorning them like the very ornament crowning Venkatadri's peak, delighting the mind and eyes of every being — I take refuge at those two feet of Sri Venkatesha.

54. 54

    प्रायः प्रपन्नजनताप्रथमावगाह्यौ मातुस्स्तनाविव शिशोरमृतायमानौ । प्राप्तौ परस्परतुलामतुलान्तरौ ते श्रीवेङ्कटेशचरणौ शरणं प्रपद्ये ॥ १४॥

    prāyaḥ prapannajanatāprathamāvagāhyau mātusstanāviva śiśoramṛtāyamānau | prāptau parasparatulāmatulāntarau te śrīveṅkaṭeśacaraṇau śaraṇaṃ prapadye || 14||

    Show meaningHide meaning

    The very first refuge sought by those who surrender, sweet as a mother's breast is to her infant, matchless even to each other and yet compared only between themselves — I take refuge at those two feet of Sri Venkatesha.

55. 55

    सत्त्वोत्तरैस्सततसेव्यपदाम्बुजेन संसारतारकदयार्द्र दृगञ्चलेन । सौम्योपयन्तृमुनिना मम दर्शितौ ते श्रीवेङ्कटेशचरणौ शरणं प्रपद्ये ॥ १५॥

    sattvottaraissatatasevyapadāmbujena saṃsāratārakadayārdra dṛgañcalena | saumyopayantṛmuninā mama darśitau te śrīveṅkaṭeśacaraṇau śaraṇaṃ prapadye || 15||

    Show meaningHide meaning

    Their lotus feet ever served by the noblest souls, their glance moist with compassion that ferries beings across worldly existence — these were shown to me by my gentle preceptor: I take refuge at those two feet of Sri Venkatesha. Here the devotee remembers the grace of the teacher who revealed the Lord's feet to him.

56. 56

    श्रीश श्रिया घटिकया त्वदुपायभावे प्राप्ये त्वयि स्वयमुपेयतया स्फुरन्त्या । नित्याश्रिताय निरवद्यगुणाय तुभ्यं स्यां किङ्करो वृषगिरीश न जातु मह्यम् ॥ १६॥

    śrīśa śriyā ghaṭikayā tvadupāyabhāve prāpye tvayi svayamupeyatayā sphurantyā | nityāśritāya niravadyaguṇāya tubhyaṃ syāṃ kiṅkaro vṛṣagirīśa na jātu mahyam || 16||

    Show meaningHide meaning

    O Lord of Sri! Through the mediation of Lakshmi herself, may I ever attain you — you who are both the means and the goal, shining forth of your own accord. O flawless one, refuge of your eternal devotees, Lord of Vrshagiri, may I ever remain your servant alone, never anyone else's. This closes the Prapatti section.

57. 57

    श्रियः कान्ताय कल्याणनिधये निधयेऽर्थिनां श्रीवेङ्कटनिवासाय श्रीनिवासाय मङ्गलम् ॥ १॥

    śriyaḥ kāntāya kalyāṇanidhaye nidhaye'rthināṃ śrīveṅkaṭanivāsāya śrīnivāsāya maṅgalam || 1||

    Show meaningHide meaning

    Mangalam to Srinivasa, beloved of Lakshmi, treasure-house of auspiciousness, refuge of all who seek! Here begins the Mangalasasanam section, each verse closing with a benediction of "mangalam" for the Lord.

58. 58

    लक्ष्मी सविभ्रमालोकसुभ्रूविभ्रमचक्षुषे चक्षुषे सर्वलोकानां वेङ्कटेशाय मङ्गलम् ॥ २॥

    lakṣmī savibhramālokasubhrūvibhramacakṣuṣe cakṣuṣe sarvalokānāṃ veṅkaṭeśāya maṅgalam || 2||

    Show meaningHide meaning

    Mangalam to Venkatesha, whose eyes are made all the more splendid by the playful glances of Lakshmi's eyebrows, and who is himself the very eye of all the worlds! The verse expresses that the Lord's gaze is the vision that sustains the universe.

59. 59

    श्रीवेङ्कटाद्रिशृङ्गाग्रमङ्गलाभरणाङ्घ्रये मङ्गलानां निवासाय श्रीनिवासाय मङ्गलम् ॥ ३॥

    śrīveṅkaṭādriśṛṅgāgramaṅgalābharaṇāṅghraye maṅgalānāṃ nivāsāya śrīnivāsāya maṅgalam || 3||

    Show meaningHide meaning

    Mangalam to Srinivasa, abode of all auspiciousness, whose feet are adorned with sacred ornaments atop the peak of the Venkata hill!

60. 60

    सर्वावयवसौन्दर्यसम्पदा सर्वचेतसां सदा सम्मोहनायास्तु वेङ्कटेशाय मङ्गलम् ॥ ४॥

    sarvāvayavasaundaryasampadā sarvacetasāṃ sadā sammohanāyāstu veṅkaṭeśāya maṅgalam || 4||

    Show meaningHide meaning

    Mangalam to Venkatesha, whose beauty in every limb ever enchants the hearts of all beings!

61. 61

    नित्याय निरवद्याय सत्यानन्दचिदात्मने सर्वान्तरात्मने श्रीमद्वेङ्कटेशाय मङ्गलम् ॥ ५॥

    nityāya niravadyāya satyānandacidātmane sarvāntarātmane śrīmadveṅkaṭeśāya maṅgalam || 5||

    Show meaningHide meaning

    Mangalam to the ever-blessed Venkatesha — the eternal, faultless one, whose very nature is truth, bliss and consciousness, the inner self dwelling within all beings!

62. 62

    स्वतस्सर्वविदे सर्वशक्तये सर्वशेषिणे सुलभाय सुशीलाय वेङ्कटेशाय मङ्गलम् ॥ ६॥

    svatassarvavide sarvaśaktaye sarvaśeṣiṇe sulabhāya suśīlāya veṅkaṭeśāya maṅgalam || 6||

    Show meaningHide meaning

    Mangalam to Venkatesha, who is inherently all-knowing, all-powerful, master of all beings, yet at the same time easily accessible and gentle in nature — this seeming paradox of greatness and simplicity reveals the Lord's true glory.

63. 63

    परस्मै ब्रह्मणे पूर्णकामाय परमात्मने प्रयुञ्जे परतत्त्वाय वेङ्कटेशाय मङ्गलम् ॥ ७॥

    parasmai brahmaṇe pūrṇakāmāya paramātmane prayuñje paratattvāya veṅkaṭeśāya maṅgalam || 7||

    Show meaningHide meaning

    Mangalam to Venkatesha, the Supreme Brahman, ever fulfilled in every desire, the Supreme Self, the ultimate Reality upon whom I ceaselessly meditate!

64. 64

    आकालतत्त्वमश्रान्तं आत्मनामनुपश्यतां अतृप्त्यमृतरूपाय वेङ्कटेशाय मङ्गलम् ॥ ८॥

    ākālatattvamaśrāntaṃ ātmanāmanupaśyatāṃ atṛptyamṛtarūpāya veṅkaṭeśāya maṅgalam || 8||

    Show meaningHide meaning

    Mangalam to Venkatesha, the very embodiment of imperishable nectar for those who ceaselessly contemplate the eternal truth of the Self! This verse presents the Lord as the everlasting reality itself.

65. 65

    प्रायस्स्वचरणौ पुंसां शरण्यत्वेन पाणिना कृपयाऽऽदिशते श्रीमद्वेङ्कटेशाय मङ्गलम् ॥ ९॥

    prāyassvacaraṇau puṃsāṃ śaraṇyatvena pāṇinā kṛpayā''diśate śrīmadveṅkaṭeśāya maṅgalam || 9||

    Show meaningHide meaning

    Mangalam to the ever-blessed Venkatesha, who compassionately points, with his own hand, toward his two feet as the refuge for all mankind!

66. 66

    दयामृत तरङ्गिण्यास्तरङ्गैरिव शीतलैः अपाङ्गैः सिञ्चते विश्वं वेङ्कटेशाय मङ्गलम् ॥ १०॥

    dayāmṛta taraṅgiṇyāstaraṅgairiva śītalaiḥ apāṅgaiḥ siñcate viśvaṃ veṅkaṭeśāya maṅgalam || 10||

    Show meaningHide meaning

    Mangalam to Venkatesha, who sprinkles the entire universe with his compassion-filled sidelong glances, cool as the waves of a river of nectar-like mercy!

67. 67

    स्रग्भूषाम्बरहेतीनां सुषमावहमूर्तये सर्वार्तिशमनायास्तु वेङ्कटेशाय मङ्गलम् ॥ ११॥

    sragbhūṣāmbarahetīnāṃ suṣamāvahamūrtaye sarvārtiśamanāyāstu veṅkaṭeśāya maṅgalam || 11||

    Show meaningHide meaning

    Mangalam to Venkatesha, resplendent with garlands, ornaments and divine weapons, the remover of every affliction of his devotees!

68. 68

    श्रीवैकुण्ठविरक्ताय स्वामिपुष्करिणीतटे रमया रममाणाय वेङ्कटेशाय मङ्गलम् ॥ १२॥

    śrīvaikuṇṭhaviraktāya svāmipuṣkariṇītaṭe ramayā ramamāṇāya veṅkaṭeśāya maṅgalam || 12||

    Show meaningHide meaning

    Mangalam to Venkatesha, who, forsaking Vaikuntha, delights with Lakshmi on the banks of the sacred Swami Pushkarini pond — the Lord chose to leave his heavenly abode and dwell on earth for the welfare of his devotees.

69. 69

    श्रीमत्सुन्दरजामातृमुनिमानसवासिने सर्वलोकनिवासाय श्रीनिवासाय मङ्गलम् ॥ १३॥

    śrīmatsundarajāmātṛmunimānasavāsine sarvalokanivāsāya śrīnivāsāya maṅgalam || 13||

    Show meaningHide meaning

    Mangalam to Srinivasa, refuge of all the worlds, who dwells forever within the heart of the gentle, revered preceptor — this verse recalls the devotion of the line of teachers who held the Lord ever within their hearts.

70. 70

    मङ्गलाशासनपरैर्मदाचार्य पुरोगमैः सर्वैश्च पूर्वैराचार्यैः सत्कृतायास्तु मङ्गलम् ॥ १४॥

    maṅgalāśāsanaparairmadācārya purogamaiḥ sarvaiśca pūrvairācāryaiḥ satkṛtāyāstu maṅgalam || 14||

    Show meaningHide meaning

    Mangalam to the Lord, who is ever honoured by those devoted to pronouncing his glory, led by my own revered preceptor, and by all the ancient teachers before him! With this final verse, the entire Suprabhatam hymn concludes in a benediction of auspiciousness to the Lord.