Tap “Show meaning” under any verse to read its meaning.

1. 1

   शिवः शक्त्या युक्तो यदि भवति शक्त: प्रभवितुं न चेदेवं देवो न खलु कुशल: स्पन्दितुमपि । अतस्त्वामाराध्यां हरिहरविरिञ्चादिभिरपि प्रणन्तुं स्तोतुं वा कथमकृतपुण्यः प्रभवति

   śivaḥ śaktyā yukto yadi bhavati śakta: prabhavituṃ na cedevaṃ devo na khalu kuśala: spanditumapi | atastvāmārādhyāṃ hariharaviriñcādibhirapi praṇantuṃ stotuṃ vā kathamakṛtapuṇyaḥ prabhavati

   Show meaningHide meaning

   Shiva becomes capable of creation only when united with Shakti; without her he cannot even stir. Hence you are worshipped even by Vishnu, Shiva and Brahma themselves -- how could one without accumulated merit ever be able to bow to you or praise you?

2. 2

   तनीयांसं पांसुं तव चरणपङ्केरुहभवं विरिञ्चिः संचिन्वन्विरचयति लोकानविकलम् । वहत्येनं शौरिः कथमपि सहस्रेण शिरसां हर: संक्षुद्यैनं भजति भसितोद्धूलनविधिम्

   tanīyāṃsaṃ pāṃsuṃ tava caraṇapaṅkeruhabhavaṃ viriñciḥ saṃcinvanviracayati lokānavikalam | vahatyenaṃ śauriḥ kathamapi sahasreṇa śirasāṃ hara: saṃkṣudyainaṃ bhajati bhasitoddhūlanavidhim

   Show meaningHide meaning

   Brahma, gathering the tiniest speck of dust from your lotus feet, creates the worlds without flaw; Vishnu somehow bears that same dust upon his thousand heads as Shesha; and Shiva, grinding it fine, smears it on his body as sacred ash.

3. 3

   अविद्यानामन्तस्तिमिरमिहिरद्वीपनगरी जडानां चैतन्यस्तबकमकरन्दस्रुतिझरी । दरिद्राणां चिन्तामणिगुणनिका जन्मजलधौ निमग्नानां दंष्ट्रा मुररिपुवराहस्य भवति

   avidyānāmantastimiramihiradvīpanagarī jaḍānāṃ caitanyastabakamakarandasrutijharī | daridrāṇāṃ cintāmaṇiguṇanikā janmajaladhau nimagnānāṃ daṃṣṭrā muraripuvarāhasya bhavati

   Show meaningHide meaning

   You are the sunlit city that dispels the inner darkness of ignorance for the ignorant; for the insentient you are the flowing honey-stream from the cluster of consciousness; for the poor you are the wish-fulfilling gem; and for those drowning in the ocean of birth, you are the tusk of Vishnu's boar-form that lifts them up.

4. 4

   त्वदन्यः पाणिभ्यामभयवरदो दैवतगण- स्त्वमेका नैवासि प्रकटितवराभीत्यभिनया । भयात्त्रातुं दातुं फलमपि च वाञ्छासमधिकं शरण्ये लोकानां तव हि चरणावेव निपुणौ

   tvadanyaḥ pāṇibhyāmabhayavarado daivatagaṇa- stvamekā naivāsi prakaṭitavarābhītyabhinayā | bhayāttrātuṃ dātuṃ phalamapi ca vāñchāsamadhikaṃ śaraṇye lokānāṃ tava hi caraṇāveva nipuṇau

   Show meaningHide meaning

   Every other deity shows the gestures of protection and boon-giving with the hands, but you alone, O refuge of the world, need show no such gesture -- your very feet are themselves skilled at protecting from fear and granting boons beyond desire.

5. 5

   हरिस्त्वामाराध्य प्रणतजनसौभाग्यजननीं पुरा नारी भूत्वा पुररिपुमपि क्षोभमनयत् । स्मरोऽपि त्वां नत्वा रतिनयनलेह्येन वपुषा मुनीनामप्यन्तः प्रभवति हि मोहाय महताम

   haristvāmārādhya praṇatajanasaubhāgyajananīṃ purā nārī bhūtvā puraripumapi kṣobhamanayat | smaro'pi tvāṃ natvā ratinayanalehyena vapuṣā munīnāmapyantaḥ prabhavati hi mohāya mahatāma

   Show meaningHide meaning

   Having worshipped you, Vishnu once became Mohini and stirred even Shiva's mind; and Kama, by bowing to you, gained a form so alluring to Rati's eyes that it can bewilder the hearts even of great sages.

6. 6

   धनुः पौंष्पं मौर्वी मधुकरमयी पञ्च विशिखा वसन्तः सामन्तो मलयमरुदायोधनरथः । तथाप्येकः सर्वं हिमगिरिसुते कामपि कृपा- मपाङ्गात्ते लब्ध्वा जगदिदमनङ्गो विजयते

   dhanuḥ pauṃṣpaṃ maurvī madhukaramayī pañca viśikhā vasantaḥ sāmanto malayamarudāyodhanarathaḥ | tathāpyekaḥ sarvaṃ himagirisute kāmapi kṛpā- mapāṅgātte labdhvā jagadidamanaṅgo vijayate

   Show meaningHide meaning

   Kama's bow is only of flowers, its string of bees, his arrows just five, spring his mere ally and the Malaya breeze his chariot -- yet, having received one glance of your compassion, O daughter of the Himalaya, this bodiless god conquers the whole universe.

7. 7

   कणत्काञ्चीदामा करिकलभकुम्भस्तननता परिक्षीणा मध्ये परिणतशरच्चन्द्रवदना । धनुर्बाणान्पाशं सृणिमपि दधाना करतलैः पुरस्तादास्तां न: पुरमथितुराहोपुरुषिका

   kaṇatkāñcīdāmā karikalabhakumbhastananatā parikṣīṇā madhye pariṇataśaraccandravadanā | dhanurbāṇānpāśaṃ sṛṇimapi dadhānā karatalaiḥ purastādāstāṃ na: puramathiturāhopuruṣikā

   Show meaningHide meaning

   May she stand before us -- wearing a tinkling girdle, her form bent gracefully by her full bosom, slender-waisted, moon-faced, holding bow, arrows, noose and goad in her hands -- she who is the very pride and glory of Shiva, destroyer of the three cities.

8. 8

   सुधासिन्धोर्मध्ये सुरविटपिवाटीपरिवृते मणिद्वीपे नीपोपवनवति चिन्तामणिगृहे । शिवाकारे मञ्चे परमशिवपर्यङ्कनिलयां भजन्ति त्वां धन्याः कतिचन चिदानन्दलहरीम्

   sudhāsindhormadhye suraviṭapivāṭīparivṛte maṇidvīpe nīpopavanavati cintāmaṇigṛhe | śivākāre mañce paramaśivaparyaṅkanilayāṃ bhajanti tvāṃ dhanyāḥ katicana cidānandalaharīm

   Show meaningHide meaning

   In the middle of the ocean of nectar, amid groves of celestial trees, on the jewel-island, in a house of wish-fulfilling gems, upon a couch shaped like Shiva -- on the bed of Supreme Shiva himself -- a few fortunate souls worship you, the very wave of consciousness-bliss.

9. 9

   महीं मूलाधारे कमपि मणिपूरे हुतवहं स्थितं स्वाधिष्ठाने हृदि मरुतमाकाशमुपरि । मनोऽपि भ्रूमध्ये सकलमपि भित्त्वा कुलपथं सहस्रारे पद्मे सह रहसि पत्या विहरसे

   mahīṃ mūlādhāre kamapi maṇipūre hutavahaṃ sthitaṃ svādhiṣṭhāne hṛdi marutamākāśamupari | mano'pi bhrūmadhye sakalamapi bhittvā kulapathaṃ sahasrāre padme saha rahasi patyā viharase

   Show meaningHide meaning

   You dwell established as earth at the Muladhara, as fire at the Manipura, as water at the Svadhishthana, as air at the heart, as ether above; and having pierced the mind at the eyebrow-centre and the path of the Kula, you sport secretly with your Lord in the thousand-petalled lotus.

10. 10

    सुधाधारासारैश्चरणयुगलान्तर्विगलितैः प्रपञ्चं सिञ्चन्ती पुनरपि रसाम्नायमहसः । अवाप्य स्वां भूमिं भुजगनिभमध्युष्टवलयं स्वमात्मानं कृत्वा स्वपिषि कुलकुण्डे कुहरिणि

    sudhādhārāsāraiścaraṇayugalāntarvigalitaiḥ prapañcaṃ siñcantī punarapi rasāmnāyamahasaḥ | avāpya svāṃ bhūmiṃ bhujaganibhamadhyuṣṭavalayaṃ svamātmānaṃ kṛtvā svapiṣi kulakuṇḍe kuhariṇi

    Show meaningHide meaning

    Sprinkling the universe continuously with nectar-streams flowing between your two feet, you reclaim your own base as a coiled, three-and-a-half-wound serpent, and, having made yourself one with your own Self, you sleep in the hidden mystic cavity.

11. 11

    चतुर्भि: श्रीकण्ठैः शिवयुवतिभिः पञ्चभिरपि प्रभिन्नाभिः शम्भोर्नवभिरपि मूलप्रकृतिभिः । चतुश्चत्वारिंशद्वसुदलकलाश्रत्रिवलय- त्रिरेखाभिः सार्धं तव शरणकोणा: परिणताः

    caturbhi: śrīkaṇṭhaiḥ śivayuvatibhiḥ pañcabhirapi prabhinnābhiḥ śambhornavabhirapi mūlaprakṛtibhiḥ | catuścatvāriṃśadvasudalakalāśratrivalaya- trirekhābhiḥ sārdhaṃ tava śaraṇakoṇā: pariṇatāḥ

    Show meaningHide meaning

    With four forms of Shrikantha, five forms of Shiva, nine root-natures, forty-four triangles and three enclosing lines, your triangular abode, the Sri Chakra, thus stands complete.

12. 12

    त्वदीयं सौन्दर्यं तुहिनगिरिकन्ये तुलयितुं कवीन्द्रा: कल्पन्ते कथमपि विरिञ्चिप्रभृतयः । यदालोकौत्सुक्यादमरललना यान्ति मनसा तपोभिर्दुष्प्रापामपि गिरिशसायुज्यपदवीम

    tvadīyaṃ saundaryaṃ tuhinagirikanye tulayituṃ kavīndrā: kalpante kathamapi viriñciprabhṛtayaḥ | yadālokautsukyādamaralalanā yānti manasā tapobhirduṣprāpāmapi giriśasāyujyapadavīma

    Show meaningHide meaning

    O daughter of the snow-mountain, even the greatest poets and Brahma himself cannot fathom how to measure your beauty; a mere longing to glimpse it lets celestial women attain, through their own yearning, the very state of union with Shiva that sages struggle to reach through austerities.

13. 13

    नरं वर्षीयांसं नयनविरसं नर्मसु जडं तवापाङ्गालोके पतितमनुधावन्ति शतशः । गलद्वेणीबन्धाः कुचकलशविस्रस्तसिचया हठात्त्रुट्यत्काञ्च्यो विगलितदुकूला युवतयः

    naraṃ varṣīyāṃsaṃ nayanavirasaṃ narmasu jaḍaṃ tavāpāṅgāloke patitamanudhāvanti śataśaḥ | galadveṇībandhāḥ kucakalaśavisrastasicayā haṭhāttruṭyatkāñcyo vigalitadukūlā yuvatayaḥ

    Show meaningHide meaning

    Even an old man, dull of eye and slow of wit, is chased by hundreds of young women -- their braids loosening, their garments slipping, their girdle-strings snapping -- the moment he is touched by a mere sidelong glance from you.

14. 14

    क्षितौ षट्पञ्चाशद्विसमधिकपञ्चाशदुदके हुताशे द्वाषष्टिश्चतुरधिकपञ्चाशदनिले । दिवि द्विःषट्त्रिंशन्मनसि च चतुःषष्टिरिति ये मयूखास्तेषामप्युपरि तव पादाम्बुजयुगम

    kṣitau ṣaṭpañcāśadvisamadhikapañcāśadudake hutāśe dvāṣaṣṭiścaturadhikapañcāśadanile | divi dviḥṣaṭtriṃśanmanasi ca catuḥṣaṣṭiriti ye mayūkhāsteṣāmapyupari tava pādāmbujayugama

    Show meaningHide meaning

    Above the fifty-six rays in earth, the fifty-two in water, the sixty-two in fire, the fifty-four in air, the seventy-two in ether and the sixty-four in mind -- above all these subtle rays -- rests the pair of your lotus feet.

15. 15

    शरज्ज्योत्स्नाशुद्धां शशियुतजटाजूटमकुटां वरत्रासत्राणस्फटिकघटिकापुस्तककराम् । सकृन्न त्वा नत्वा कथमिव सतां संनिदधते मधुक्षीरद्राक्षामधुरिमधुरीणा: फणितयः

    śarajjyotsnāśuddhāṃ śaśiyutajaṭājūṭamakuṭāṃ varatrāsatrāṇasphaṭikaghaṭikāpustakakarām | sakṛnna tvā natvā kathamiva satāṃ saṃnidadhate madhukṣīradrākṣāmadhurimadhurīṇā: phaṇitayaḥ

    Show meaningHide meaning

    Pure as autumn moonlight, crowned with matted locks bearing a crescent moon, holding rope, goad, crystal rosary and book in your hands -- how could speech sweeter than honey, milk and grapes ever come to one who fails to bow to you even once?

16. 16

    कवीन्द्राणां चेतःकमलवनबालातपरुचिं भजन्ते ये सन्त: कतिचिदरुणामेव भवतीम् । विरिञ्चिप्रेयस्यास्तरुणतरश‍ृङ्गारलहरी- गभीराभिर्वाग्भिर्विदधति सतां रञ्जनममी

    kavīndrāṇāṃ cetaḥkamalavanabālātaparuciṃ bhajante ye santa: katicidaruṇāmeva bhavatīm | viriñcipreyasyāstaruṇataraśa‍ṛṅgāralaharī- gabhīrābhirvāgbhirvidadhati satāṃ rañjanamamī

    Show meaningHide meaning

    Those who meditate upon even a fraction of your reddish form, glowing like morning sunlight upon the lotus-grove of great poets' hearts, become able to delight the wise through deep, love-laden verses like those of Brahma's own consort.

17. 17

    सवित्रीभिर्वाचां शशिमणिशिलाभङ्गरुचिभि- र्वशिन्याद्याभिस्त्वां सह जननि संचिन्तयति यः । स कर्ता काव्यानां भवति मह्तां भङ्गिरुचिभि- र्वचोभिर्वाग्देवीवदनकमलामोदमधुरैः

    savitrībhirvācāṃ śaśimaṇiśilābhaṅgarucibhi- rvaśinyādyābhistvāṃ saha janani saṃcintayati yaḥ | sa kartā kāvyānāṃ bhavati mahtāṃ bhaṅgirucibhi- rvacobhirvāgdevīvadanakamalāmodamadhuraiḥ

    Show meaningHide meaning

    Whoever meditates upon you, O Mother, together with the letter-goddesses whose lustre resembles broken moonstone, and with Vashini and the other speech-deities, becomes a maker of poetry, his words as sweet as the fragrance of Saraswati's lotus-face.

18. 18

    तनुच्छायाभिस्ते तरुणतरणिश्रीसरणिभि- र्दिवं सर्वामुर्वीमरुणिमनि मग्नां स्मरति यः । भवन्त्यस्य त्रस्यद्वनहरिणशालीननयनाः सहोर्वश्या वश्याः कति कति न गीर्वाणगणिका:

    tanucchāyābhiste taruṇataraṇiśrīsaraṇibhi- rdivaṃ sarvāmurvīmaruṇimani magnāṃ smarati yaḥ | bhavantyasya trasyadvanahariṇaśālīnanayanāḥ sahorvaśyā vaśyāḥ kati kati na gīrvāṇagaṇikā:

    Show meaningHide meaning

    Whoever remembers, through your body's radiance like the glow of the young rising sun, the whole earth and sky immersed in that reddish light, gains mastery over timid, doe-eyed celestial nymphs -- even Urvashi and countless heavenly maidens become subject to him.

19. 19

    मुखं बिन्दुं कृत्वा कुचयुगमधस्तस्य तदधो हरार्धं ध्यायेद्यो हरमहिषि ते मन्मथकलाम् । स सद्यः संक्षोभं नयति वनिता इत्यतिलघु त्रिलोकीमप्याशु भ्रमयति रवीन्दुस्तनयुगाम्

    mukhaṃ binduṃ kṛtvā kucayugamadhastasya tadadho harārdhaṃ dhyāyedyo haramahiṣi te manmathakalām | sa sadyaḥ saṃkṣobhaṃ nayati vanitā ityatilaghu trilokīmapyāśu bhramayati ravīndustanayugām

    Show meaningHide meaning

    Whoever meditates upon your form of love -- the face as the central point, the two breasts below it, and Shiva's half below that -- instantly sets women astir, and swiftly makes the whole triple world tremble.

20. 20

    किरन्तीमङ्गेभ्यः किरणनिकुरुम्बामृतरसं हृदि त्वामाधत्ते हिमकरशिलामूर्तिमिव यः । स सर्पाणां दर्पं शमयति शकुन्ताधिप इव ज्वरप्लुष्टान्दृष्ट्या सुखयति सुधाधारसिरया

    kirantīmaṅgebhyaḥ kiraṇanikurumbāmṛtarasaṃ hṛdi tvāmādhatte himakaraśilāmūrtimiva yaḥ | sa sarpāṇāṃ darpaṃ śamayati śakuntādhipa iva jvarapluṣṭāndṛṣṭyā sukhayati sudhādhārasirayā

    Show meaningHide meaning

    Whoever holds you in the heart like an image formed of moonstone, scattering nectar-rays of light from every limb, subdues the pride of serpents like Garuda himself and, by a mere glance, soothes those burning with fever.

21. 21

    तटिल्लेखातन्वीं तपनशशिवैश्वानरमयीं निषण्णां षण्णामप्युपरि कमलानां तव कलाम । महापद्माटव्यां मृदितमलमायेन मनसा महान्तः पश्यन्तो दधति परमाह्लादलहरीम्

    taṭillekhātanvīṃ tapanaśaśivaiśvānaramayīṃ niṣaṇṇāṃ ṣaṇṇāmapyupari kamalānāṃ tava kalāma | mahāpadmāṭavyāṃ mṛditamalamāyena manasā mahāntaḥ paśyanto dadhati paramāhlādalaharīm

    Show meaningHide meaning

    Great souls who, with minds cleansed of illusion, behold your subtle form -- slender like a streak of lightning, composed of sun, moon and fire, seated above the six lotuses in the great lotus of the crown -- attain the supreme wave of bliss.

22. 22

    भवानि त्वं दासे मयि वितर दृष्टिं सकरुणा- मिति स्तोतुं वाञ्छन्कथयति भवानि त्वमिति यः । तदैव त्वं तस्मै दिशसि निजसायुज्यपदवीं मुकुन्दब्रह्मेन्द्रस्फुटमकुटनीराजितपदाम

    bhavāni tvaṃ dāse mayi vitara dṛṣṭiṃ sakaruṇā- miti stotuṃ vāñchankathayati bhavāni tvamiti yaḥ | tadaiva tvaṃ tasmai diśasi nijasāyujyapadavīṃ mukundabrahmendrasphuṭamakuṭanīrājitapadāma

    Show meaningHide meaning

    Whoever, merely wishing to praise you, utters your name as 'Bhavani, cast your compassionate glance on me,' you at once grant him the state of union with you, worshipped by the crowns of Vishnu, Brahma and Indra.

23. 23

    त्वया हृत्वा वामं वपुरपरितृप्तेन मनसा शरीरार्धं शंभोरपरमपि शङ्के हृतमभूत् । यदेतत्त्वद्रूपं सकलमरुणाभं त्रिनयनं कुचाभ्यामानम्रं कुटिलशशिचूडालमकुटम्

    tvayā hṛtvā vāmaṃ vapuraparitṛptena manasā śarīrārdhaṃ śaṃbhoraparamapi śaṅke hṛtamabhūt | yadetattvadrūpaṃ sakalamaruṇābhaṃ trinayanaṃ kucābhyāmānamraṃ kuṭilaśaśicūḍālamakuṭam

    Show meaningHide meaning

    Having taken half of Shiva's body from an insatiable desire, I imagine you took the other half too -- for this whole reddish, three-eyed form of yours, bending under your breasts and crowned by the crescent moon, seems to be entirely Shiva's own.

24. 24

    जगत्सूते धाता हरिरवति रुद्रः क्षपयते तिरस्कुर्वन्नेतत्स्वमपि वपुरीशस्तिरयति । सदापूर्वः सर्वं तदिदमनुगृह्णाति च शिव- स्तवाज्ञामालम्ब्य क्षणचलितयोर्भ्रूलतिकयोः

    jagatsūte dhātā hariravati rudraḥ kṣapayate tiraskurvannetatsvamapi vapurīśastirayati | sadāpūrvaḥ sarvaṃ tadidamanugṛhṇāti ca śiva- stavājñāmālambya kṣaṇacalitayorbhrūlatikayoḥ

    Show meaningHide meaning

    Brahma creates, Vishnu protects, Rudra destroys, Ishvara conceals, and Sadashiva graciously restores the universe again -- all this happens only at the command carried by the slight movement of your eyebrows.

25. 25

    त्रयाणां देवानां त्रिगुणजनितानां तव शिवे भवेत्पूजा पूजा तव चरणयोर्या विरचिता । तथाहि त्वत्पादोद्वहनमणिपीठस्य निकटे स्थिता ह्येते शश्वन्मुकुलितकरोत्तंसमकुटाः

    trayāṇāṃ devānāṃ triguṇajanitānāṃ tava śive bhavetpūjā pūjā tava caraṇayoryā viracitā | tathāhi tvatpādodvahanamaṇipīṭhasya nikaṭe sthitā hyete śaśvanmukulitakarottaṃsamakuṭāḥ

    Show meaningHide meaning

    The worship of the three deities born of the three gunas is itself but your worship -- they stand forever near the jewelled pedestal bearing your feet, their folded hands resting like crowns upon their heads.

26. 26

    विरिश्चि: पञ्चत्वं व्रजति हरिराप्नोति विरतिं विनाशं कीनाशो भजति धनदो याति निधनम् । वितन्द्री माहेन्द्री विततिरपि संमीलितदृशा महासंहारेऽस्मिन्विहरति सति त्वत्पतिरसौ

    viriści: pañcatvaṃ vrajati harirāpnoti viratiṃ vināśaṃ kīnāśo bhajati dhanado yāti nidhanam | vitandrī māhendrī vitatirapi saṃmīlitadṛśā mahāsaṃhāre'sminviharati sati tvatpatirasau

    Show meaningHide meaning

    At the great dissolution Brahma perishes, Vishnu ceases, death itself dies, Kubera meets his end, and even Indra's retinue grows drowsy -- yet amid this universal destruction, your consort Shiva alone continues to sport, undiminished.

27. 27

    जपो जल्प: शिल्पं सकलमपि मुद्राविरचना गति: प्रादक्षिण्यक्रमणमशनाद्याहुतिविधिः । प्रणाम: संवेश: सुखमखिलमात्मार्पणदृशा सपर्यापर्यायस्तव भवतु यन्मे विलसितम्

    japo jalpa: śilpaṃ sakalamapi mudrāviracanā gati: prādakṣiṇyakramaṇamaśanādyāhutividhiḥ | praṇāma: saṃveśa: sukhamakhilamātmārpaṇadṛśā saparyāparyāyastava bhavatu yanme vilasitam

    Show meaningHide meaning

    Whatever I do -- my idle talk becomes japa, every gesture a sacred mudra, my walking a circumambulation, my eating an offering, my rest a prostration; let every pleasure of mine, offered as an act of self-surrender, become a form of your worship.

28. 28

    सुधामप्यास्वाद्य प्रतिभयजरामृत्युहरिणीं विपद्यन्ते विश्वे विधिशतमखाद्या दिविषदः । करालं यत्क्ष्वेलं कबलितवतः कालकलना न शंभोस्तन्मूलं तव जननि ताटङ्कमहिमा

    sudhāmapyāsvādya pratibhayajarāmṛtyuhariṇīṃ vipadyante viśve vidhiśatamakhādyā diviṣadaḥ | karālaṃ yatkṣvelaṃ kabalitavataḥ kālakalanā na śaṃbhostanmūlaṃ tava janani tāṭaṅkamahimā

    Show meaningHide meaning

    Even after tasting nectar that removes fearsome old age and death, the gods still perish at dissolution; yet Shiva does not perish even though he swallowed the terrible poison -- this is due to none other than the glory of your earring, O Mother.

29. 29

    किरीटं वैरिञ्चं परिहर पुरः कैटभभिदः कठोरे कोटीरे स्खलसि जहि जम्भारिमकुटम् । प्रणम्रेष्वेतेषु प्रसभमुपयातस्य भवनं भवस्याभ्युत्थाने तव परिजनोक्तिर्विजयते

    kirīṭaṃ vairiñcaṃ parihara puraḥ kaiṭabhabhidaḥ kaṭhore koṭīre skhalasi jahi jambhārimakuṭam | praṇamreṣveteṣu prasabhamupayātasya bhavanaṃ bhavasyābhyutthāne tava parijanoktirvijayate

    Show meaningHide meaning

    'Set aside Brahma's crown, step over Vishnu's crown, trample Indra's crown' -- so cry your attendants as Shiva rushes to receive these bowing gods approaching his abode, and that very boast stands victorious.

30. 30

    स्वदेहोद्भूताभिर्घृणिभिरणिमाद्याभिरभितो निषेव्ये नित्ये त्वामहमिति सदा भावयति यः । किमाश्चर्यं तस्य त्रिनयनसमृद्धिं तृणयतो महासंवर्ताग्निर्विरचयति नीराजनविधिम

    svadehodbhūtābhirghṛṇibhiraṇimādyābhirabhito niṣevye nitye tvāmahamiti sadā bhāvayati yaḥ | kimāścaryaṃ tasya trinayanasamṛddhiṃ tṛṇayato mahāsaṃvartāgnirviracayati nīrājanavidhima

    Show meaningHide meaning

    Whoever constantly meditates 'I am you,' surrounded by the radiant powers born of his own body such as the eight siddhis, in your ever-present form, finds it no wonder that even the fire of universal dissolution performs arati in his honour, treating Shiva-hood itself as a trifle.

31. 31

    चतुःषष्टया तन्त्रैः सकलमतिसन्धाय भुवनं स्थितस्तत्तत्सिद्धिप्रसवपरतन्त्रैः पशुपतिः । पुनस्त्वन्निर्बन्धादखिलपुरुषार्थैकघटना- स्वतन्त्रं ते तन्त्रं क्षितितलमवातीतरदिदम्

    catuḥṣaṣṭayā tantraiḥ sakalamatisandhāya bhuvanaṃ sthitastattatsiddhiprasavaparatantraiḥ paśupatiḥ | punastvannirbandhādakhilapuruṣārthaikaghaṭanā- svatantraṃ te tantraṃ kṣititalamavātītaradidam

    Show meaningHide meaning

    Shiva, through sixty-four tantras, appears to let the world believe each path grants its own independent fruit; yet, compelled by you, this seemingly independent teaching in truth serves only the fourfold goal of human life.

32. 32

    शिवः शक्तिः कामः क्षितिरथ रविः शीतकिरण: स्मरो हंसः शक्रस्तदनु च परामारहरयः । अमी हृल्लेखाभिस्तिसृभिरवसानेषु घटिता भजन्ते वर्णास्ते तव जननि नामावयवताम्

    śivaḥ śaktiḥ kāmaḥ kṣitiratha raviḥ śītakiraṇa: smaro haṃsaḥ śakrastadanu ca parāmāraharayaḥ | amī hṛllekhābhistisṛbhiravasāneṣu ghaṭitā bhajante varṇāste tava janani nāmāvayavatām

    Show meaningHide meaning

    Shiva, Shakti, Kama, Earth, Sun, Moon, Kama again, Hamsa, Indra, and then further deities -- these, joined with the three seed-syllables at the end, form the letters that compose your very mantra-name.

33. 33

    स्मरं योनिं लक्ष्मीं त्रितयमिदमादौ तव मनो- र्निधायैके नित्ये निरवधिमहाभोगरसिकाः । भजन्ति त्वां चिन्तामणिगुणनिबद्धाक्षवलया: शिवाग्नौ जुह्वन्तः सुरभिघृतधाराहुतिशतैः

    smaraṃ yoniṃ lakṣmīṃ tritayamidamādau tava mano- rnidhāyaike nitye niravadhimahābhogarasikāḥ | bhajanti tvāṃ cintāmaṇiguṇanibaddhākṣavalayā: śivāgnau juhvantaḥ surabhighṛtadhārāhutiśataiḥ

    Show meaningHide meaning

    Some, placing the seeds of desire, origin and prosperity at the very start of your mantra, eternally devoted to boundless divine enjoyment, worship you with rosaries of wish-fulfilling gems, offering hundreds of oblations of fragrant ghee into the sacred fire.

34. 34

    शरीरं त्वं शंभोः शशिमिहिरवक्षोरुहयुगं तवात्मानं मन्ये भगवति नवात्मानमनघम् । अत: शेष: शेषीत्ययमुभयसाधारणतया स्थित: संबन्धो वां समरसपरानन्दपरयोः

    śarīraṃ tvaṃ śaṃbhoḥ śaśimihiravakṣoruhayugaṃ tavātmānaṃ manye bhagavati navātmānamanagham | ata: śeṣa: śeṣītyayamubhayasādhāraṇatayā sthita: saṃbandho vāṃ samarasaparānandaparayoḥ

    Show meaningHide meaning

    O Divine one, I consider your body to be Shiva's moon-and-sun breasts and your self to be his sinless nine-fold form; thus the bond between you two, each the ground of the other, is that of one united in the same supreme bliss.

35. 35

    मनस्त्वं व्योम त्वं मरुदसि मरुत्सारथिरसि त्वमापस्त्वं भूमिस्त्वयि परिणतायां न हि परम । त्वमेव स्वात्मानं परिणमयितुं विश्ववपुषा चिदानन्दाकारं शिवयुवति भावेन बिभृषे

    manastvaṃ vyoma tvaṃ marudasi marutsārathirasi tvamāpastvaṃ bhūmistvayi pariṇatāyāṃ na hi parama | tvameva svātmānaṃ pariṇamayituṃ viśvavapuṣā cidānandākāraṃ śivayuvati bhāvena bibhṛṣe

    Show meaningHide meaning

    You are the mind, the sky, the air and its mover, the water, the earth -- nothing exists beyond your own transformation; it is you alone who, to unfold your own Self as the universe, bear the form of consciousness-bliss as Shiva's youthful consort.

36. 36

    तवाज्ञाचक्रस्थं तपनशशिकोटिद्युतिधरं परं शंभुं वन्दे परिमिलितपार्श्वं परचिता । यमाराध्यन्भक्त्या रविशशिशुचीनामविषये निरालोकेऽलोके निवसति हि भालोकभुवने

    tavājñācakrasthaṃ tapanaśaśikoṭidyutidharaṃ paraṃ śaṃbhuṃ vande parimilitapārśvaṃ paracitā | yamārādhyanbhaktyā raviśaśiśucīnāmaviṣaye nirāloke'loke nivasati hi bhālokabhuvane

    Show meaningHide meaning

    I salute the Supreme Shiva who resides at your command-centre, radiant with the light of a million suns and moons, flanked by radiance on either side -- worshipped in that realm beyond sun, moon or fire, that self-luminous space beyond all illumination.

37. 37

    विशुद्धौ ते शुद्धस्फटिकविशदं व्योमजनकं शिवं सेवे देवीमपि शिवसमानव्यवसिताम । ययोः कान्त्या यान्त्याः शशिकिरणसारूप्यसरणे- र्विधूतान्तर्ध्वान्ता विलसति चकोरीव जगती

    viśuddhau te śuddhasphaṭikaviśadaṃ vyomajanakaṃ śivaṃ seve devīmapi śivasamānavyavasitāma | yayoḥ kāntyā yāntyāḥ śaśikiraṇasārūpyasaraṇe- rvidhūtāntardhvāntā vilasati cakorīva jagatī

    Show meaningHide meaning

    At your throat-centre I worship Shiva, pure and clear like crystal, source of the ether, and the Goddess whose resolve equals his -- by whose radiance the world, its darkness dispelled, revels like a moon-bird in moonlight.

38. 38

    समुन्मीलत्संवित्कमलमकरन्दैकरसिकं भजे हंसद्वन्द्वं किमपि महतां मानसचरम् । यदालापादष्टादशगुणितविद्यापरिणति- र्यदादत्ते दोषाद्गुणमखिलमद्भ्यः पय इव

    samunmīlatsaṃvitkamalamakarandaikarasikaṃ bhaje haṃsadvandvaṃ kimapi mahatāṃ mānasacaram | yadālāpādaṣṭādaśaguṇitavidyāpariṇati- ryadādatte doṣādguṇamakhilamadbhyaḥ paya iva

    Show meaningHide meaning

    I adore that pair of swans dwelling in the minds of the great, forever delighting in the nectar of the blossoming lotus of consciousness at the heart -- whose very speech yields the eighteenfold perfection of knowledge and, like milk drawn from water, extracts only the good, leaving faults behind.

39. 39

    तव स्वाधिष्ठाने हुतवहमधिष्ठाय निरतं तमीडे संवर्तं जननि महतीं तां च समयाम् । यदालोके लोकान्दहति महति क्रोधकलिते दयार्द्रा या दृष्टिः शिशिरमुपचारं रचयति

    tava svādhiṣṭhāne hutavahamadhiṣṭhāya nirataṃ tamīḍe saṃvartaṃ janani mahatīṃ tāṃ ca samayām | yadāloke lokāndahati mahati krodhakalite dayārdrā yā dṛṣṭiḥ śiśiramupacāraṃ racayati

    Show meaningHide meaning

    O Mother, I praise the great dissolving fire established at your navel-centre together with eternal Time -- whose gaze, though it burns the worlds in anger, is cooled at once by your compassionate glance.

40. 40

    तटित्त्वन्तं शक्त्या तिमिरपरिपन्थिस्फुरणया स्फुरन्नानारत्नाभरणपरिणद्धेन्द्रधनुषम् । तव श्यामं मेघं कमपि मणिपूरैकशरणं निषेवे वर्षन्तं हरमिहिरतप्तं त्रिभुवनम

    taṭittvantaṃ śaktyā timiraparipanthisphuraṇayā sphurannānāratnābharaṇapariṇaddhendradhanuṣam | tava śyāmaṃ meghaṃ kamapi maṇipūraikaśaraṇaṃ niṣeve varṣantaṃ haramihirataptaṃ tribhuvanama

    Show meaningHide meaning

    I worship that dark cloud of yours at the solar-plexus centre, streaked with the lightning of your radiant Shakti, girdled by a rainbow of sparkling gems, raining down and cooling the three worlds scorched by the sun.

41. 41

    तवाधारे मूले सह समयया लास्यपरया नवात्मानं मन्ये नवरसमहाताण्डवनटम् । उभाभ्यामेताभ्यामुदयविधिमुद्दिश्य दयया सनाथाभ्यां जज्ञे जनकजननीमज्जगदिदम्

    tavādhāre mūle saha samayayā lāsyaparayā navātmānaṃ manye navarasamahātāṇḍavanaṭam | ubhābhyāmetābhyāmudayavidhimuddiśya dayayā sanāthābhyāṃ jajñe janakajananīmajjagadidam

    Show meaningHide meaning

    At the base centre, together with eternal Time absorbed in her dance, I imagine the nine-fold Shiva as the great dancer of the nine sentiments performing the cosmic dance -- through the two of you, united in grace, this whole world, with its mothers and fathers, came into being.

42. 42

    गतैर्माणिक्यत्वं गगनमणिभिः सान्द्रघटितं किरीटं ते हैमं हिमगिरिसुते कीर्तयति यः । स नीडेयच्छायाच्छुरणशबलं चन्द्रशकलं धनु: शौनासीरं किमिति न निबध्नाति धिषणाम्

    gatairmāṇikyatvaṃ gaganamaṇibhiḥ sāndraghaṭitaṃ kirīṭaṃ te haimaṃ himagirisute kīrtayati yaḥ | sa nīḍeyacchāyācchuraṇaśabalaṃ candraśakalaṃ dhanu: śaunāsīraṃ kimiti na nibadhnāti dhiṣaṇām

    Show meaningHide meaning

    Whoever praises your golden crown, densely set with star-gems turned to rubies, wonders, seeing the shimmering crescent moon reflected in it, why it is not fashioned instead into Indra's very rainbow.

43. 43

    धुनोतु ध्वान्तं नस्तुलितदलितेन्दीवरवनं घनस्निग्धश्लक्ष्णं चिकुरनिकुरुम्बं तव शिवे । यदीयं सौरभ्यं सहजमुपलब्धं सुमनसो वसन्त्यस्मिन्मन्ये वलमथनवाटीविटपिनाम्

    dhunotu dhvāntaṃ nastulitadalitendīvaravanaṃ ghanasnigdhaślakṣṇaṃ cikuranikurumbaṃ tava śive | yadīyaṃ saurabhyaṃ sahajamupalabdhaṃ sumanaso vasantyasminmanye valamathanavāṭīviṭapinām

    Show meaningHide meaning

    May your hair, O Auspicious one -- dense, glossy, soft, outshining a cluster of fully-opened blue lotuses -- dispel our darkness; its natural fragrance is such that the flowering trees of paradise seem to dwell within it.

44. 44

    तनोतु क्षेमं नस्तव वदनसौन्दर्यलहरी- परीवाहः स्रोत:सरणिरिव सीमन्तसरणिः । वहन्ती सिन्दूरं प्रबलकबरीभारतिमिर- द्विषां बृन्दैर्बन्दीकृतमिव नवीनार्ककिरणम

    tanotu kṣemaṃ nastava vadanasaundaryalaharī- parīvāhaḥ srota:saraṇiriva sīmantasaraṇiḥ | vahantī sindūraṃ prabalakabarībhāratimira- dviṣāṃ bṛndairbandīkṛtamiva navīnārkakiraṇama

    Show meaningHide meaning

    May the flow of the wave of beauty from your face bring us well-being -- your hair-parting, carrying vermillion like a river-channel amid the crowding darkness of your tresses, seems to have captured the fresh rays of the rising sun.

45. 45

    अरालैः स्वाभाव्यादलिकलभसश्रीभिरलकैः परीतं ते वक्त्रं परिहसति पङ्केरुहरुचिम् । दरस्मेरे यस्मिन्दशनरुचिकिञ्जल्करुचिरे सुगन्धौ माद्यन्ति स्मरदहनचक्षुर्मधुलिहः

    arālaiḥ svābhāvyādalikalabhasaśrībhiralakaiḥ parītaṃ te vaktraṃ parihasati paṅkeruharucim | darasmere yasmindaśanarucikiñjalkarucire sugandhau mādyanti smaradahanacakṣurmadhulihaḥ

    Show meaningHide meaning

    Your face, surrounded by naturally curling locks graceful as young bees, mocks the beauty of the lotus; in its gentle smiling radiance, bright as the pollen of your teeth, the bee-like eyes of Kama grow intoxicated with fragrance.

46. 46

    ललाटं लावण्यद्युतिविमलमाभाति तब य- द्द्वितीयं तन्मन्ये मकुटघटितं चन्द्रशकलम् । विपर्यासन्यासादुभयमपि संभूय च मिथ: सुधालेपस्यूति: परिणमति राकाहिमकरः

    lalāṭaṃ lāvaṇyadyutivimalamābhāti taba ya- ddvitīyaṃ tanmanye makuṭaghaṭitaṃ candraśakalam | viparyāsanyāsādubhayamapi saṃbhūya ca mitha: sudhālepasyūti: pariṇamati rākāhimakaraḥ

    Show meaningHide meaning

    Your forehead shines, spotless with the radiance of loveliness; I take it to be a second crescent moon set in your crown -- the two moons, having exchanged places, seem woven together with a coat of nectar into one full moon.

47. 47

    भ्रुवौ भुग्ने किंचिद्भुवनभयभङ्गव्यसनिनि त्वदीये नेत्राभ्यां मधुकररुचिभ्यां धृतगुणम् । धनुर्मन्ये सव्येतरकरगृहीतं रतिपतेः प्रकोष्ठे मुष्टौ च स्थगयति निगूढान्तरमुमे

    bhruvau bhugne kiṃcidbhuvanabhayabhaṅgavyasanini tvadīye netrābhyāṃ madhukararucibhyāṃ dhṛtaguṇam | dhanurmanye savyetarakaragṛhītaṃ ratipateḥ prakoṣṭhe muṣṭau ca sthagayati nigūḍhāntaramume

    Show meaningHide meaning

    Your two eyebrows, slightly curved and skilled at shattering the world's fear, are, I imagine, a bow strung by your bee-dark eyes and held in Kama's own hand -- its grip concealing some inner secret, O Uma.

48. 48

    अहः सूते सव्यं तव नयनमर्कात्मकतया त्रियामां वामं ते सृजति रजनीनायकतया । तृतीया ते दृष्टिर्दरदलितहेमाम्बुजरुचिः समाधत्ते सन्ध्यां दिवसनिशयोरन्तरचरीम्

    ahaḥ sūte savyaṃ tava nayanamarkātmakatayā triyāmāṃ vāmaṃ te sṛjati rajanīnāyakatayā | tṛtīyā te dṛṣṭirdaradalitahemāmbujaruciḥ samādhatte sandhyāṃ divasaniśayorantaracarīm

    Show meaningHide meaning

    Your right eye, sun-natured, gives birth to day; your left, moon-natured, brings forth night; and your third eye, glowing like a half-opened golden lotus, creates the twilight that moves between day and night.

49. 49

    विशाला कल्याणी स्फुटरुचिरयोध्या कुवलयैः कृपाधाराधारा किमपि मधुराभोगवतिका । अवन्ती दृष्टिस्ते बहुनगरविस्तारविजया ध्रुवं तत्तन्नामव्यवहरणयोग्या विजयते

    viśālā kalyāṇī sphuṭarucirayodhyā kuvalayaiḥ kṛpādhārādhārā kimapi madhurābhogavatikā | avantī dṛṣṭiste bahunagaravistāravijayā dhruvaṃ tattannāmavyavaharaṇayogyā vijayate

    Show meaningHide meaning

    Your glance is spacious like Varanasi, auspicious like Kalyani, radiant like Ayodhya with blue lotuses, a fount of compassion like sweet Mathura, victorious like Avanti -- truly worthy of bearing all these sacred city-names.

50. 50

    कवीनां संदर्भस्तबकमकरन्दैकरसिकं कटाक्षव्याक्षेपभ्रमरकलभौ कर्णयुगलम् । अमुञ्चन्तौ दृष्ट्वा तव नवरसास्वादतरला- वसूयासंसर्गादलिकनयनं किंचिदरुणम्

    kavīnāṃ saṃdarbhastabakamakarandaikarasikaṃ kaṭākṣavyākṣepabhramarakalabhau karṇayugalam | amuñcantau dṛṣṭvā tava navarasāsvādataralā- vasūyāsaṃsargādalikanayanaṃ kiṃcidaruṇam

    Show meaningHide meaning

    Your two ears, like bees ceaselessly savouring the honey of poets' finest verses, remain unwilling to release the restless glances of your eyes; from jealousy at this, the outer corners of your eyes have turned slightly red.

51. 51

    शिवे शृङ्गारार्द्रा तदितरजने कुत्सनपरा सरोषा गङ्गायां गिरिशचरिते विस्मयवती । हराहिभ्यो भीता सरसिरुहसौभाग्यजननी सखीषु स्मेरा ते मयि जननि दृष्टिः सकरुणा

    śive śṛṅgārārdrā taditarajane kutsanaparā saroṣā gaṅgāyāṃ giriśacarite vismayavatī | harāhibhyo bhītā sarasiruhasaubhāgyajananī sakhīṣu smerā te mayi janani dṛṣṭiḥ sakaruṇā

    Show meaningHide meaning

    O Shiva's consort, your glance is moist with love toward Shiva, contemptuous toward others, angered at the Ganga, astonished at his wondrous deeds, fearful of his serpents, gracious toward the lotus, and smiling among your companions -- yet toward me, Mother, may it be full of compassion.

52. 52

    गते कर्णाभ्यर्णं गरुत इव पक्ष्माणि दधती पुरां भेत्तुश्चित्तप्रशमरसविद्रावणफले । इमे नेत्रे गोत्राधरपतिकुलोत्तंसकलिके तवाकर्णाकृष्टस्मरशरविलासं कलयतः

    gate karṇābhyarṇaṃ garuta iva pakṣmāṇi dadhatī purāṃ bhettuścittapraśamarasavidrāvaṇaphale | ime netre gotrādharapatikulottaṃsakalike tavākarṇākṛṣṭasmaraśaravilāsaṃ kalayataḥ

    Show meaningHide meaning

    Your two eyes, their lashes reaching almost to your ears like wings, capable of melting even Shiva's composed mind, seem still to be enacting the sport of Kama's arrow drawn back to your very ear.

53. 53

    विभक्तत्रैवर्ण्यं व्यतिकरितलीलाञ्जनतया विभाति त्वन्नेत्रत्रितयमिदमीशानदयिते । पुनः स्रष्टुं देवान्द्रुहिणहरिरुद्रानुपरता- न्ररजः सत्त्वं बिभ्रत्तम इति गुणानां त्रयमिव

    vibhaktatraivarṇyaṃ vyatikaritalīlāñjanatayā vibhāti tvannetratritayamidamīśānadayite | punaḥ sraṣṭuṃ devāndruhiṇaharirudrānuparatā- nrarajaḥ sattvaṃ bibhrattama iti guṇānāṃ trayamiva

    Show meaningHide meaning

    This triad of your eyes, O beloved of Ishana, displaying three colours mingled as if with playful collyrium, appears like the three qualities -- purity, activity, and inertia -- assembled to recreate Brahma, Vishnu and Rudra.

54. 54

    पवित्रीकर्तुं नः पशुपतिपराधीनह्रदये दयामित्रैर्नेत्रैररुणधवलश्यामरुचिभिः । नदः शोणो गङ्गा तपनतनयेति ध्रुवममुं त्रयाणां तीर्थानामुपनयसि संभेदमनघम्

    pavitrīkartuṃ naḥ paśupatiparādhīnahradaye dayāmitrairnetrairaruṇadhavalaśyāmarucibhiḥ | nadaḥ śoṇo gaṅgā tapanatanayeti dhruvamamuṃ trayāṇāṃ tīrthānāmupanayasi saṃbhedamanagham

    Show meaningHide meaning

    To purify us, devoted wholly to Pashupati, with your three compassionate eyes of red, white and dark hue, you bring together the sinless confluence of three sacred rivers.

55. 55

    निमेषोन्मेषाभ्यां प्रलयमुदयं याति जगती तवेत्याहुः सन्तो धरणिधरराजन्यतनये । त्वदुन्मेषाज्जातं जगदिदमशेषं प्रलयत: परित्रातुं शङ्के परिहृतनिमेषास्तव दृशः

    nimeṣonmeṣābhyāṃ pralayamudayaṃ yāti jagatī tavetyāhuḥ santo dharaṇidhararājanyatanaye | tvadunmeṣājjātaṃ jagadidamaśeṣaṃ pralayata: paritrātuṃ śaṅke parihṛtanimeṣāstava dṛśaḥ

    Show meaningHide meaning

    The wise say that the world's dissolution and creation occur through the closing and opening of your eyes; to save this universe, born from your opening eyes, from an untimely dissolution, your eyes remain almost unblinking.

56. 56

    तवापर्णे कर्णेजपनयनपैशुन्यचकिता निलीयन्ते तोये नियतमनिमेषा: शफरिकाः । इयं च श्रीर्बद्धच्छदपुटकवाटं कुवलयं जहाति प्रत्यूषे निशि च विघटय्य प्रविशति

    tavāparṇe karṇejapanayanapaiśunyacakitā nilīyante toye niyatamanimeṣā: śapharikāḥ | iyaṃ ca śrīrbaddhacchadapuṭakavāṭaṃ kuvalayaṃ jahāti pratyūṣe niśi ca vighaṭayya praviśati

    Show meaningHide meaning

    O Aparna, startled as if fearing the whispering slander of eyes, the little fish always hide unblinking in the water near you; and fickle Lakshmi, whose lotus-seat closes at dusk, enters it again only at dawn.

57. 57

    दृशा द्राधीयस्या दरदलितनीलोत्पलरुचा दवीयांसं दीनं स्नपय कृपया मामपि शिवे । अनेनायं धन्यो भवति न च ते हानिरियता वने वा हर्म्ये वा समकरनिपातो हिमकरः

    dṛśā drādhīyasyā daradalitanīlotpalarucā davīyāṃsaṃ dīnaṃ snapaya kṛpayā māmapi śive | anenāyaṃ dhanyo bhavati na ca te hāniriyatā vane vā harmye vā samakaranipāto himakaraḥ

    Show meaningHide meaning

    O Shiva's consort, bathe even lowly, distant me with your compassionate, far-reaching glance -- by this only the fortunate one gains, and you lose nothing, just as moonlight falling on forest and palace alike costs the moon nothing.

58. 58

    अरालं ते पालीयुगलमगराजन्यतनये न केषामाधत्ते कुसुमशरकोदण्डकुतुकम । तिरश्चीनो यत्र श्रवणपथमुल्लङ्घय विलस- न्नपाङ्गव्यासङ्गो दिशति शरसंधानधिषणाम्

    arālaṃ te pālīyugalamagarājanyatanaye na keṣāmādhatte kusumaśarakodaṇḍakutukama | tiraścīno yatra śravaṇapathamullaṅghaya vilasa- nnapāṅgavyāsaṅgo diśati śarasaṃdhānadhiṣaṇām

    Show meaningHide meaning

    Your slightly curved outer eye-corners, O daughter of the mountain-king, stir in everyone a longing for Kama's flower-bow; where they slant beyond your ear, that sidelong glance seems ready to fit an arrow to the bowstring.

59. 59

    स्फुरद्गण्डाभोगप्रतिफलितताटङ्कयुगलं चतुश्चक्रं मन्ये तव सुखमिदं मन्मथरथम् । यमारुह्य द्रुह्यत्यवनिरथमर्केन्दुचरणं महावीरो मारः प्रमथपतये सज्जितवते

    sphuradgaṇḍābhogapratiphalitatāṭaṅkayugalaṃ catuścakraṃ manye tava sukhamidaṃ manmatharatham | yamāruhya druhyatyavanirathamarkenducaraṇaṃ mahāvīro māraḥ pramathapataye sajjitavate

    Show meaningHide meaning

    I imagine your pair of swaying earrings, reflected on your radiant cheeks, to be the four wheels of Kama's own delightful chariot, mounted upon which he rides forth defiantly against Shiva.

60. 60

    सरस्वत्या: सूक्तीरमृतलहरीकौशलहरी: पिबन्त्याः शर्वाणि श्रवणचुलुकाभ्यामविरलम् । चमत्कारश्लाघाचलितशिरसः कुण्डलगणो झणत्कारैस्तारैः प्रतिवचनमाचष्ट इव ते

    sarasvatyā: sūktīramṛtalaharīkauśalaharī: pibantyāḥ śarvāṇi śravaṇaculukābhyāmaviralam | camatkāraślāghācalitaśirasaḥ kuṇḍalagaṇo jhaṇatkāraistāraiḥ prativacanamācaṣṭa iva te

    Show meaningHide meaning

    As your ears drink in, without pause, the nectar-streams of Saraswati's skilful hymns of praise to Shiva, your earring-cluster, trembling with the delight of wonder, seems to answer back with its own tinkling sound.

61. 61

    असौं नासावंशस्तुहिनगिरिवंशध्वजपटि त्वदीयो नेदीयः फलतु फलमस्माकमुचितम । वहत्यन्तर्मुक्ता: शिशिरकरनिश्वासगलितं समृद्ध्या यत्तासां बहिरपि च मुक्तामणिधरः

    asauṃ nāsāvaṃśastuhinagirivaṃśadhvajapaṭi tvadīyo nedīyaḥ phalatu phalamasmākamucitama | vahatyantarmuktā: śiśirakaraniśvāsagalitaṃ samṛddhyā yattāsāṃ bahirapi ca muktāmaṇidharaḥ

    Show meaningHide meaning

    May this ridge of your nose, close like the very banner-staff of the snow-mountain's lineage, grant us the fruit we deserve -- it bears pearls within, as your breath flows cool as moonlight, and pearls without, in its ornament.

62. 62

    प्रकृत्या रक्तायास्तव सुदति दन्तच्छदरुचे: प्रवक्ष्ये सादृश्यं जनयतु फलं विद्रुमलता । न बिम्बं तद्विम्बप्रतिफलनरागादरुणितं तुलामध्यारोढुं कथमिव विलज्जेत कलया

    prakṛtyā raktāyāstava sudati dantacchadaruce: pravakṣye sādṛśyaṃ janayatu phalaṃ vidrumalatā | na bimbaṃ tadvimbapratiphalanarāgādaruṇitaṃ tulāmadhyāroḍhuṃ kathamiva vilajjeta kalayā

    Show meaningHide meaning

    O sweet-toothed one, let me describe the likeness of your naturally red lower lip: only the coral-creeper might compare, for the bimba fruit, reddened merely by reflecting coral's own colour, would surely be too embarrassed to be placed on the scale beside it.

63. 63

    स्मितज्योत्स्नाजालं तव वदनचन्द्रस्य पिबतां चकोराणामासीदतिरसतया चञ्चुजडिमा । अतस्ते शीतांशोरमृतलहरीमाम्लरुचय: पिबन्ति स्वच्छन्दं निशिनिशि भृशं काञ्जिकधिया

    smitajyotsnājālaṃ tava vadanacandrasya pibatāṃ cakorāṇāmāsīdatirasatayā cañcujaḍimā | ataste śītāṃśoramṛtalaharīmāmlarucaya: pibanti svacchandaṃ niśiniśi bhṛśaṃ kāñjikadhiyā

    Show meaningHide meaning

    As the chakora birds drink the web of moonlight that is your smile flowing from your moon-like face, their beaks grow numb from its sweetness; hence, night after night, they now drink instead the sour rays of the real moon, thinking of it as a tart buttermilk drink.

64. 64

    अविश्रान्तं पत्युर्गुणगणकथाम्रेडनजपा जपापुष्पच्छाया तव जननि जिह्वा जयति सा । यदग्रासीनायाः स्फटिकदृषदच्छच्छविमयी सरस्वत्या मूर्तिः परिणमति माणिक्यवपुषा

    aviśrāntaṃ patyurguṇagaṇakathāmreḍanajapā japāpuṣpacchāyā tava janani jihvā jayati sā | yadagrāsīnāyāḥ sphaṭikadṛṣadacchacchavimayī sarasvatyā mūrtiḥ pariṇamati māṇikyavapuṣā

    Show meaningHide meaning

    Your tongue, ceaselessly murmuring the praises of your Lord's virtues, radiant like the hibiscus flower, is truly victorious -- for even Saraswati, seated at its tip, pure as crystal, transforms there into the hue of a glowing ruby.

65. 65

    रणे जित्वा दैत्यानपहृतशिरस्त्रैः कवचिभि- र्निवृत्तैश्चण्डांशत्रिपुरहरनिर्माल्यविमुखैः । विशाखेन्द्रोपेन्द्रैः शशिविशदकर्पूरशकला विलीयन्ते मातस्तव वदनताम्बूलकबलाः

    raṇe jitvā daityānapahṛtaśirastraiḥ kavacibhi- rnivṛttaiścaṇḍāṃśatripuraharanirmālyavimukhaiḥ | viśākhendropendraiḥ śaśiviśadakarpūraśakalā vilīyante mātastava vadanatāmbūlakabalāḥ

    Show meaningHide meaning

    Having conquered demons in battle, the warrior-gods return with armour and stolen helmets, turning away from the leavings of Shiva's own worship out of pride; and it is their offerings of camphor-white betel remnants that dissolve upon your lips, O Mother.

66. 66

    विपञ्च्या गायन्ती विविधमपदानं पशुपते- स्त्वयारब्धे वक्तुं चलितशिरसा साधुवचने । तदीयैर्माधुर्यैरपलपिततन्त्रीकलरवां निजां वीणां वाणी निचुलयति चोलेन निभृतम्

    vipañcyā gāyantī vividhamapadānaṃ paśupate- stvayārabdhe vaktuṃ calitaśirasā sādhuvacane | tadīyairmādhuryairapalapitatantrīkalaravāṃ nijāṃ vīṇāṃ vāṇī niculayati colena nibhṛtam

    Show meaningHide meaning

    As you begin to sing, to the vina's accompaniment, the varied deeds of Pashupati, nodding your head as he speaks his gracious words, Saraswati, unable to bear the sweetness of your song, quietly wraps her own vina in a cloth cover out of shyness.

67. 67

    कराग्रेण स्पृष्टं तुहिनगिरिणा वत्सलतया गिरीशेनोदस्तं मुहुरधरपानाकुलतया । करग्राह्यं शंभोर्मुखमुकुरवृन्तं गिरिसुते कथंकारं ब्रूमस्तव चुबुकमौपम्यरहितम्

    karāgreṇa spṛṣṭaṃ tuhinagiriṇā vatsalatayā girīśenodastaṃ muhuradharapānākulatayā | karagrāhyaṃ śaṃbhormukhamukuravṛntaṃ girisute kathaṃkāraṃ brūmastava cubukamaupamyarahitam

    Show meaningHide meaning

    Touched fondly at its tip by the snow-mountain out of affection, and repeatedly lifted by Shiva himself eager to drink from your lips -- O daughter of the mountain, how can we describe your chin, worthy of being held in one's palm, a beauty beyond compare?

68. 68

    भुजाश्लेषान्नित्यं पुरदमयितुः कण्टकवती तव ग्रीवा धत्ते मुखकमलनालश्रियमियम् । स्वतः श्वेता कालागुरुबहुलजम्बालमलिना मृणालीलालित्यं वहति यदधो हारलतिका

    bhujāśleṣānnityaṃ puradamayituḥ kaṇṭakavatī tava grīvā dhatte mukhakamalanālaśriyamiyam | svataḥ śvetā kālāgurubahulajambālamalinā mṛṇālīlālityaṃ vahati yadadho hāralatikā

    Show meaningHide meaning

    Your neck, forever embraced by Shiva's arms, bears thereby the beauty of a lotus-stalk supporting your lotus-face; below it, your necklace -- naturally white yet darkened like flowering agarwood -- takes on the tender grace of a lotus-fibre.

69. 69

    गले रेखास्तिस्रो गतिगमकगीतैकनिपुणे विवाहव्यानद्धप्रगुणगुणसंख्याप्रतिभुवः । विराजन्ते नानाविधमधुररागाकरभुवां त्रयाणां ग्रामाणां स्थितिनियमसीमान इव ते

    gale rekhāstisro gatigamakagītaikanipuṇe vivāhavyānaddhapraguṇaguṇasaṃkhyāpratibhuvaḥ | virājante nānāvidhamadhurarāgākarabhuvāṃ trayāṇāṃ grāmāṇāṃ sthitiniyamasīmāna iva te

    Show meaningHide meaning

    The three lines upon your neck, O one skilled in the fine gradations of melody, shine like the very boundary-markers of the three primary musical scales, rich in many sweet ragas, bearing witness to your auspicious wedding-thread.

70. 70

    मृणालीमृद्वीनां तव भुजलतानां चतसृणां चतुर्भिः सौन्दर्यं सरसिजभवः स्तौति वदनैः । नखेभ्य: संत्रस्यन्प्रथममथनादन्धकरिपो- श्चतुर्णां शीर्षाणां सममभयहस्तार्पणधिया

    mṛṇālīmṛdvīnāṃ tava bhujalatānāṃ catasṛṇāṃ caturbhiḥ saundaryaṃ sarasijabhavaḥ stauti vadanaiḥ | nakhebhya: saṃtrasyanprathamamathanādandhakaripo- ścaturṇāṃ śīrṣāṇāṃ samamabhayahastārpaṇadhiyā

    Show meaningHide meaning

    Brahma, born of the lotus, praises with his four faces the beauty of your four soft, creeper-like arms -- as though, still trembling with the fear he felt when his heads were once threatened, he now offers, with each face, a gesture of reassurance to your hands.

71. 71

    नखानामुद्योतैर्नवनलिनरागं विहसतां कराणां ते कान्तिं कथय कथयामः कथमुमे । कयाचिद्वा साम्यं भजतु कलया हन्त कमलं यदि क्रीडल्लक्ष्मीचरणतललाक्षारसचणम्

    nakhānāmudyotairnavanalinarāgaṃ vihasatāṃ karāṇāṃ te kāntiṃ kathaya kathayāmaḥ kathamume | kayācidvā sāmyaṃ bhajatu kalayā hanta kamalaṃ yadi krīḍallakṣmīcaraṇatalalākṣārasacaṇam

    Show meaningHide meaning

    How, O Uma, shall we describe the loveliness of your hands, whose nails' glow mocks the freshness of a newly-blossomed lotus -- unless the lotus might claim some faint resemblance, and only when tinged red by the playful lac-dye of Lakshmi's own feet.

72. 72

    समं देवि स्कन्दद्विपवदनपीतं स्तनयुगं तवेदं नः खेदं हरतु सततं प्रस्नुतमुखम् । यदालोक्याशङ्काकुलितहृदयो हासजनक: स्वकुम्भौ हेरम्ब: परिभृशति हस्तेन झडिति

    samaṃ devi skandadvipavadanapītaṃ stanayugaṃ tavedaṃ naḥ khedaṃ haratu satataṃ prasnutamukham | yadālokyāśaṅkākulitahṛdayo hāsajanaka: svakumbhau heramba: paribhṛśati hastena jhaḍiti

    Show meaningHide meaning

    O Devi, may that ever-flowing pair of your breasts, tasted equally by both Skanda and the elephant-faced Ganesha, remove our sorrow -- seeing which, Ganesha, uneasy lest he be shortchanged, playfully pats his own two temples in mock jealousy.

73. 73

    अमू ते वक्षोजावमृतरसमाणिक्यकुतुपौ न संदेहस्पन्दो नगपतिपताके मनसि नः । पिबन्तौ तौ यस्मादविदितवधूसङ्गरसिकौ कुमारावद्यापि द्विरदवदनक्रौञ्चदलनौ

    amū te vakṣojāvamṛtarasamāṇikyakutupau na saṃdehaspando nagapatipatāke manasi naḥ | pibantau tau yasmādaviditavadhūsaṅgarasikau kumārāvadyāpi dviradavadanakrauñcadalanau

    Show meaningHide meaning

    These two breasts of yours are like twin jars of nectar-elixir set in rubies; we have no doubt that it is because of drinking this that your two sons, though unaware even now of union with a wife, remain forever the slayers of the elephant-faced demon Krauncha.

74. 74

    वहत्यम्ब स्तम्बेरमदनुजकुम्भप्रकृतिभिः समारब्धां मुक्तामणिभिरमलां हारलतिकाम । कुचाभोगो बिम्बाधररुचिभिरन्त: शबलितां प्रतापव्यामिश्रां पुरदमयितुः कीर्तिमिव ते

    vahatyamba stamberamadanujakumbhaprakṛtibhiḥ samārabdhāṃ muktāmaṇibhiramalāṃ hāralatikāma | kucābhogo bimbādhararucibhiranta: śabalitāṃ pratāpavyāmiśrāṃ puradamayituḥ kīrtimiva te

    Show meaningHide meaning

    O Mother, the flawless pearl-necklace you wear, begun with pearls born from elephant-demons' temples, appears streaked within by the redness of your lips reflected upon it as it rests on your breasts -- like the fame of Shiva, mingled through with valour.

75. 75

    तव स्तन्यं मन्ये धरणिधरकन्ये हृदयतः पयःपारावार: परिवहति सारस्वतमिव । दयावत्या दत्तं द्रविडशिशुरास्वाद्य तव य- त्कवीनां प्रौढानामजनि कमनीयः कवयिता

    tava stanyaṃ manye dharaṇidharakanye hṛdayataḥ payaḥpārāvāra: parivahati sārasvatamiva | dayāvatyā dattaṃ draviḍaśiśurāsvādya tava ya- tkavīnāṃ prauḍhānāmajani kamanīyaḥ kavayitā

    Show meaningHide meaning

    O daughter of the mountain, I think your breast-milk, from the very heart, is like an ocean bearing the sap of learning -- for having tasted this milk given out of compassion, the child of the south became, among mature poets, a composer of the most enchanting verse.

76. 76

    हरक्रोधज्वालावलिभिरवलीढेन वपुषा गभीरे ते नाभीसरसि कृतसङ्गो मनसिजः । समुत्तस्थौ तस्मादचलतनये धूमलतिका जनस्तां जानीते तव जननि रोमावलिरिति

    harakrodhajvālāvalibhiravalīḍhena vapuṣā gabhīre te nābhīsarasi kṛtasaṅgo manasijaḥ | samuttasthau tasmādacalatanaye dhūmalatikā janastāṃ jānīte tava janani romāvaliriti

    Show meaningHide meaning

    Kama, his form scorched by the flames of Shiva's anger, found refuge in the depths of your navel-lake; from there he arose again as a wisp of smoke, which people now know, Mother, as the fine line of hair upon your body.

77. 77

    यदेतत्कालिन्दीतनुतरतरङ्गाकृति शिवे कृशे मध्ये किंचिज्जननि तव यद्भाति सुधियाम् । विमर्दादन्योन्यं कुचकलशयोरन्तरगतं तनूभूतं व्योम प्रविशदिव नाभिं कुहरिणीम्

    yadetatkālindītanutarataraṅgākṛti śive kṛśe madhye kiṃcijjanani tava yadbhāti sudhiyām | vimardādanyonyaṃ kucakalaśayorantaragataṃ tanūbhūtaṃ vyoma praviśadiva nābhiṃ kuhariṇīm

    Show meaningHide meaning

    This delicate line, resembling the fine ripples of the Yamuna river, which shows so beautifully at your slender waist -- it is, as it were, the subtle form of the sky itself, entering your deep navel after being compressed between your two breasts.

78. 78

    स्थिरो गङ्गावर्तः स्तनमुकुलरोमावलिलता- कलावालं कुण्डं कुसुमशरतेजोहुतभुजः । रतेर्लीलागारं किमपि तव नाभिर्गिरिसुते बिलद्वारं सिद्धेगिरिशनयनानां विजयते

    sthiro gaṅgāvartaḥ stanamukularomāvalilatā- kalāvālaṃ kuṇḍaṃ kusumaśaratejohutabhujaḥ | raterlīlāgāraṃ kimapi tava nābhirgirisute biladvāraṃ siddhegiriśanayanānāṃ vijayate

    Show meaningHide meaning

    Your navel, O mountain's daughter, is like a steady whirlpool of the Ganga, a nursery-bed ringed by the creeper of fine hair sprouting from your breasts, a sacrificial pit fed by Kama's fire -- it is truly some secret playhouse of Rati, the cave-entrance sought even by Shiva's own eyes.

79. 79

    निसर्गक्षीणस्य स्तनतटभरेण क्लमजुषो नमन्मूर्तेर्नारीतिलक शनकैस्त्रुट्यत इव । चिरं ते मध्यस्य त्रुटिततटिनीतीरतरुणा समावस्थास्थेम्नो भवतु कुशलं शैलतनये

    nisargakṣīṇasya stanataṭabhareṇa klamajuṣo namanmūrternārītilaka śanakaistruṭyata iva | ciraṃ te madhyasya truṭitataṭinītīrataruṇā samāvasthāsthemno bhavatu kuśalaṃ śailatanaye

    Show meaningHide meaning

    O ornament among women, may the lasting well-being of your waist endure -- so naturally slender, wearied further by the weight of your breasts, its bending form seeming ever so gently on the verge of giving way, like a young tree on a crumbling riverbank.

80. 80

    कुचौ सद्यः स्विद्यत्तटघटितकूर्पासभिदुरौ कषन्तौ दोर्मूले कनककलशाभौ कलयता । तव त्रातुं भङ्गादलमिति वलग्रं तनुभुवा त्रिधा नद्धं देवि त्रिवलि लवलीवल्लिभिरिव

    kucau sadyaḥ svidyattaṭaghaṭitakūrpāsabhidurau kaṣantau dormūle kanakakalaśābhau kalayatā | tava trātuṃ bhaṅgādalamiti valagraṃ tanubhuvā tridhā naddhaṃ devi trivali lavalīvallibhiriva

    Show meaningHide meaning

    Your two breasts, sweating beneath the bodice that presses their edges, chafing against your upper arms like golden pitchers -- as if Kama, fearing they might break apart from that pressure, has bound them thrice over with tender lavali-creeper-like folds, forming your three waist-lines.

81. 81

    गुरुत्वं विस्तारं क्षितिधरपतिः पार्वति निजा- न्नितम्बादाच्छिद्य त्वयि हरणरूपेण निदधे । अतस्ते विस्तीर्णो गुरुरयमशेषां वसुमतीं नितम्बप्राग्भार: स्थगयति लधुत्वं नयति च

    gurutvaṃ vistāraṃ kṣitidharapatiḥ pārvati nijā- nnitambādācchidya tvayi haraṇarūpeṇa nidadhe | ataste vistīrṇo gururayamaśeṣāṃ vasumatīṃ nitambaprāgbhāra: sthagayati ladhutvaṃ nayati ca

    Show meaningHide meaning

    O Parvati, the mountain-lord seems to have taken his own weight and breadth and secretly placed them upon your hips; hence this vast, heavy expanse of your hips at once burdens the whole earth and, paradoxically, also relieves it.

82. 82

    करीन्द्राणां शुण्डान्कनककदलीकाण्डपटली- मुभाभ्यामूरुभ्यामुभयमपि निर्जित्य भवति । सुवृत्ताभ्यां पत्युः प्रणतिकठिनाभ्यां गिरिसुते विधिज्ञे जानुभ्यां विबुधकरिकुम्भद्वयमसि

    karīndrāṇāṃ śuṇḍānkanakakadalīkāṇḍapaṭalī- mubhābhyāmūrubhyāmubhayamapi nirjitya bhavati | suvṛttābhyāṃ patyuḥ praṇatikaṭhinābhyāṃ girisute vidhijñe jānubhyāṃ vibudhakarikumbhadvayamasi

    Show meaningHide meaning

    Your two thighs, having together surpassed both the trunks of great elephants and the tender stalks of golden banana-plants, and your two knees, hardened from constant bowing to your Lord, are like a pair of celestial elephants' frontal lobes.

83. 83

    पराजेतुं रुद्रं द्विगुणशरगभौ गिरिसुते निषङ्गौ जङ्घे ते विषमविशिखो बाढमकृत । यदग्ने दृश्यन्ते दशशरफला: पादयुगली- नखाग्रच्छद्मानः सुरमकुटशाणैकनिशिताः

    parājetuṃ rudraṃ dviguṇaśaragabhau girisute niṣaṅgau jaṅghe te viṣamaviśikho bāḍhamakṛta | yadagne dṛśyante daśaśaraphalā: pādayugalī- nakhāgracchadmānaḥ suramakuṭaśāṇaikaniśitāḥ

    Show meaningHide meaning

    To surpass Shiva, your two shins, armed as if with Kama's sharpened arrows, seem fashioned so keenly that the toenails at the tip of your feet appear as ten arrow-points, sharpened on the very whetstone of the gods' crowns.

84. 84

    श्रुतीनां मूर्धानो दधति तव यौ शेखरतया ममाप्येतौ मातः शिरसि दयया धेहि चरणौ । ययोः पाद्यं पाथः पशुपतिजटाजूटतटिनी ययोर्लाक्षालक्ष्मीररुणहरिचूडामणिरुचिः

    śrutīnāṃ mūrdhāno dadhati tava yau śekharatayā mamāpyetau mātaḥ śirasi dayayā dhehi caraṇau | yayoḥ pādyaṃ pāthaḥ paśupatijaṭājūṭataṭinī yayorlākṣālakṣmīraruṇaharicūḍāmaṇiruciḥ

    Show meaningHide meaning

    The crown-texts of the Vedas bear your two feet as their very crest-jewel; O Mother, out of compassion place those same feet upon my head too -- feet whose washing-water is the sacred stream from Shiva's matted locks, and whose lac-red glow rivals Vishnu's own crest-jewel.

85. 85

    नमोवाकं ब्रूमो नयनरमणीयाय पदयो- स्तवास्मai द्वन्द्वाय स्फुटरुचिरसालक्तकवते । असूयत्यत्यन्तं यदभिहननाय स्पृहयते पशूनामीशानः प्रमदवनकङ्केलितरवे

    namovākaṃ brūmo nayanaramaṇīyāya padayo- stavāsmai dvandvāya sphuṭarucirasālaktakavate | asūyatyatyantaṃ yadabhihananāya spṛhayate paśūnāmīśānaḥ pramadavanakaṅkelitarave

    Show meaningHide meaning

    We offer salutation to this beautiful pair of your feet, delightful to the eyes, their bright lac-red hue resembling the ashoka blossom -- feet at which even Ishana, lord of all creatures, feels an intense loving envy.

86. 86

    मृषा कृत्वा गोत्रस्खलनमथ वैलक्ष्यनमितं ललाटे भर्तारं चरणकमले ताडयति ते । चिरादन्तःशल्यं दहनकृतमुन्मूलितवता तुलाकोटिक्काणैः किलिकिलितमीशानरिपुणा

    mṛṣā kṛtvā gotraskhalanamatha vailakṣyanamitaṃ lalāṭe bhartāraṃ caraṇakamale tāḍayati te | cirādantaḥśalyaṃ dahanakṛtamunmūlitavatā tulākoṭikkāṇaiḥ kilikilitamīśānaripuṇā

    Show meaningHide meaning

    Feigning a slip of the tongue, your consort bows his head to your feet as if in mock embarrassment, and you gently strike his forehead with your foot -- thereby drawing out, root and all, the long-buried thorn of jealousy once planted in his heart by Kama.

87. 87

    हिमानीहन्तव्यं हिमगिरिनिवासैकचतुरौ निशायां निद्राणं निशि चरमभागे च विशदौ । वरं लक्ष्मीपात्रं श्रियमतिसृजन्तौ समयिनां सरोजं त्वत्पादौ जननि जयतश्चित्रमिह किम्

    himānīhantavyaṃ himagirinivāsaikacaturau niśāyāṃ nidrāṇaṃ niśi caramabhāge ca viśadau | varaṃ lakṣmīpātraṃ śriyamatisṛjantau samayināṃ sarojaṃ tvatpādau janani jayataścitramiha kim

    Show meaningHide meaning

    Skilled alone in dwelling amid the Himalayan snows, warm through the night yet radiant even in its coldest last watch -- is it any wonder that this lotus-pair, your two feet, ever bestowing wealth like Lakshmi's own seat, triumphs even over the cold?

88. 88

    पदं ते कीर्तीनां प्रपदमपदं देवि विपदां कथं नीतं सद्भिः कठिनकमठीकर्परतुलाम् । कथं वा बाहुभ्यामुपयमनकाले पुरभिदा यदादाय न्यस्तं दृषदि दयमानेन मनसा

    padaṃ te kīrtīnāṃ prapadamapadaṃ devi vipadāṃ kathaṃ nītaṃ sadbhiḥ kaṭhinakamaṭhīkarparatulām | kathaṃ vā bāhubhyāmupayamanakāle purabhidā yadādāya nyastaṃ dṛṣadi dayamānena manasā

    Show meaningHide meaning

    Your foot is the very abode of fame, yet a place misfortune cannot even approach -- how then did the virtuous ever compare it to a hard tortoise-shell? And how did Shiva dare, with his own hands, to place that gentle foot upon hard stone at your wedding?

89. 89

    नखैर्नाकस्त्रीणां करकमलसंकोचशशिभि- स्तरूणां दिव्यानां हसत इव ते चण्डि चरणौ । फलानि स्वःस्थेभ्यः किसलयकराग्रेण ददतां दरिद्रेभ्यो भद्रां श्रियमनिशमह्नाय ददतौ

    nakhairnākastrīṇāṃ karakamalasaṃkocaśaśibhi- starūṇāṃ divyānāṃ hasata iva te caṇḍi caraṇau | phalāni svaḥsthebhyaḥ kisalayakarāgreṇa dadatāṃ daridrebhyo bhadrāṃ śriyamaniśamahnāya dadatau

    Show meaningHide meaning

    Your two feet, O fierce one, seem to mock, with the glow of their toenails, the moon-like curled fingertips of celestial nymphs and even tender leaves of divine trees -- while ceaselessly bestowing fruits on the heaven-dwellers and, without fail, auspicious fortune on the poor.

90. 90

    ददाने दीनेभ्यः श्रियमनिशमाशानुसदृशी- ममन्दं सौन्दर्यप्रकरमकरन्दं विकिरति । तवास्मिन्मन्दारस्तबकसुभगे यातु चरणे निमज्जन्मज्जीवः करणचरण: षट्चरणताम्

    dadāne dīnebhyaḥ śriyamaniśamāśānusadṛśī- mamandaṃ saundaryaprakaramakarandaṃ vikirati | tavāsminmandārastabakasubhage yātu caraṇe nimajjanmajjīvaḥ karaṇacaraṇa: ṣaṭcaraṇatām

    Show meaningHide meaning

    Bestowing wealth on the poor ceaselessly, matching every hope, scattering the honey of beauty unstinting -- may my life, sinking deep in devotion, at your mandara-flower-graced feet, attain the state of a bee utterly absorbed at your feet.

91. 91

    पदन्यासक्रीडापरिचयमिवारब्धुमनसः स्खलन्तस्ते खेलं भवनकलहंसा न जहति । अतस्तेषां शिक्षां सुभगमणिमञ्जीररणित- च्छलादाचक्षाणं चरणकमलं चारुचरिते

    padanyāsakrīḍāparicayamivārabdhumanasaḥ skhalantaste khelaṃ bhavanakalahaṃsā na jahati | atasteṣāṃ śikṣāṃ subhagamaṇimañjīraraṇita- cchalādācakṣāṇaṃ caraṇakamalaṃ cārucarite

    Show meaningHide meaning

    As though just learning the playful art of graceful gait, the royal swans of your garden never abandon their own swaying walk; hence, under the pretext of the tinkling of your jewelled anklets, your lotus feet seem to be teaching them this very skill.

92. 92

    गतास्ते मञ्चत्वं द्रुहिणहरिरुद्रेश्वरभृतः शिवः स्वच्छच्छायाघटितकपटप्रच्छदपटः । त्वदीयानां भासां प्रतिफलनरागारुणतया शरीरी शृङ्गारो रस इव दृशां दोग्धि कुतुकम्

    gatāste mañcatvaṃ druhiṇaharirudreśvarabhṛtaḥ śivaḥ svacchacchāyāghaṭitakapaṭapracchadapaṭaḥ | tvadīyānāṃ bhāsāṃ pratiphalanarāgāruṇatayā śarīrī śṛṅgāro rasa iva dṛśāṃ dogdhi kutukam

    Show meaningHide meaning

    Brahma, Vishnu and Rudra, who once served as the mere legs of your couch, and Shiva himself, wrapped in the covering of his own pure radiance, now, taking on the reddish hue reflected from your effulgence, seem to yield the very embodied form of the erotic sentiment, delighting the eyes.

93. 93

    अराला केशेषु प्रकृतिसरला मन्दहसिते शिरीषाभा चित्ते दृषदुपलशोभा कुचतटे । भृशं तन्वी मध्ये पृथुरुरसिजारोहविषये जगत्त्रातुं शंभोर्जयति करुणा काचिदरुणा

    arālā keśeṣu prakṛtisaralā mandahasite śirīṣābhā citte dṛṣadupalaśobhā kucataṭe | bhṛśaṃ tanvī madhye pṛthururasijārohaviṣaye jagattrātuṃ śaṃbhorjayati karuṇā kācidaruṇā

    Show meaningHide meaning

    Your hair, naturally curling; your gentle, artless smile; your heart, radiant as the shirisha flower; your breast, gleaming like polished stone; your waist, exceedingly slender; and your ample bosom -- through such qualities some reddish form of Shiva's compassion triumphs, whose sole purpose is to save the world.

94. 94

    कलङ्कः कस्तूरी रजनिकरबिम्बं जलमयं कलाभिः कर्पूरैर्मरकतकरण्डं निबिडितम् । अतस्त्वद्भोगेन प्रतिदिनमिदं रिक्तकुहरं विधिर्भूयो भूयो निबिडयति नूनं तव कृते

    kalaṅkaḥ kastūrī rajanikarabimbaṃ jalamayaṃ kalābhiḥ karpūrairmarakatakaraṇḍaṃ nibiḍitam | atastvadbhogena pratidinamidaṃ riktakuharaṃ vidhirbhūyo bhūyo nibiḍayati nūnaṃ tava kṛte

    Show meaningHide meaning

    The dark mark on the moon's orb is said to be musk dissolved in water, densely packed like an emerald casket sealed with camphor-white moon-portions; because of your daily favour with it, Brahma must repeatedly refill this ever-emptying vessel, solely for your sake.

95. 95

    पुरारातेरन्त:पुरमसि ततस्त्वच्चरणयोः सपर्यामर्यादा तरलकरणानामसुलभा । तथा ह्येते नीताः शतमखमुखाः सिद्धिमतुलां तव द्वारोपान्तस्थितिभिरणिमाद्याभिरमराः

    purārāteranta:puramasi tatastvaccaraṇayoḥ saparyāmaryādā taralakaraṇānāmasulabhā | tathā hyete nītāḥ śatamakhamukhāḥ siddhimatulāṃ tava dvāropāntasthitibhiraṇimādyābhiramarāḥ

    Show meaningHide meaning

    You are the very inner sanctum of Shiva, the enemy of the triple city; hence the privilege of worshipping your feet is not easily attained even by the wavering-minded -- witness how Indra and the other gods attained their unmatched powers merely by standing at your threshold.

96. 96

    कलत्रं वैधात्रं कतिकति भजन्ते न कवयः श्रियो देव्याः को वा न भवति पति: कैरपि धनैः । महादेवं हित्वा तव सति सतीनामचरमे कुचाभ्यामासङ्ग्ः कुरवकतरोरप्यसुलभः

    kalatraṃ vaidhātraṃ katikati bhajante na kavayaḥ śriyo devyāḥ ko vā na bhavati pati: kairapi dhanaiḥ | mahādevaṃ hitvā tava sati satīnāmacarame kucābhyāmāsaṅgḥ kuravakatarorapyasulabhaḥ

    Show meaningHide meaning

    How many poets do not seek Saraswati's favour? Who does not become master of Lakshmi through some wealth or other? But setting aside Mahadeva himself, O foremost among chaste wives, an embrace of your breasts is unattainable -- as rare as the flower of the kuravaka tree.

97. 97

    गिरामाहुर्देवीं द्रुहिणगृहिणीमागमविदो हरेः पत्नीं पद्मां हरसहचरीमद्रितनयाम् । तुरीया कापि त्वं दुरधिगमनिःसीममहिमा महामाया विश्वं भ्रमयसि परब्रह्ममहिषि

    girāmāhurdevīṃ druhiṇagṛhiṇīmāgamavido hareḥ patnīṃ padmāṃ harasahacarīmadritanayām | turīyā kāpi tvaṃ duradhigamaniḥsīmamahimā mahāmāyā viśvaṃ bhramayasi parabrahmamahiṣi

    Show meaningHide meaning

    The knowers of scripture call you the goddess of speech, the wife of Vishnu, and Shiva's companion, the mountain's daughter -- yet you, the fourth, unnameable one, whose glory is beyond all grasp, are the Great Illusion who, as consort of the Supreme Brahman, sets the whole universe in motion.

98. 98

    कदा काले मातः कथय कलितालक्तकरसं पिबेयं विद्यार्थी तव चरणनिर्णेजनजलम् । प्रकृत्या मूकानामपि च कविताकारणतया कदा धत्ते वाणीमुखकमलताम्बूलरसताम्

    kadā kāle mātaḥ kathaya kalitālaktakarasaṃ pibeyaṃ vidyārthī tava caraṇanirṇejanajalam | prakṛtyā mūkānāmapi ca kavitākāraṇatayā kadā dhatte vāṇīmukhakamalatāmbūlarasatām

    Show meaningHide meaning

    O Mother, tell me -- when shall I, a mere student, drink the reddened water that has washed your feet? When will this naturally mute tongue, through the taste of the betel-red juice of your lotus-mouth, be endowed with the very gift of eloquent speech?

99. 99

    सरस्वत्या लक्ष्म्या विधिहरिसपत्नो विहरते रते: पातिव्रत्यं शिथिलयति रम्येण वपुषा । चिरं जीवन्नेव क्षपितपशुपाशव्यतिकरः परानन्दाभिख्यं रसयति रसं त्वद्भजनवान्

    sarasvatyā lakṣmyā vidhiharisapatno viharate rate: pātivratyaṃ śithilayati ramyeṇa vapuṣā | ciraṃ jīvanneva kṣapitapaśupāśavyatikaraḥ parānandābhikhyaṃ rasayati rasaṃ tvadbhajanavān

    Show meaningHide meaning

    Enjoying the company of both Saraswati and Lakshmi, your devotee lives on as a rival even to Brahma and Vishnu; he even loosens Rati's devotion to Kama through the charm of his own form, and, though living long in this world, freed from worldly bondage, he tastes, even while alive, the essence called supreme bliss.

100. 100

     प्रदीपज्वालाभिर्दिवसकरनीराजनविधिः सुधासूतेश्चन्द्रोपलजललवैरर्घ्यरचना । स्वकीयैरम्भोभिः सलिलनिधिसौहित्यकरणं त्वदीयाभिर्वाग्भिस्तव जननि वाचां स्तुतिरियम्

     pradīpajvālābhirdivasakaranīrājanavidhiḥ sudhāsūteścandropalajalalavairarghyaracanā | svakīyairambhobhiḥ salilanidhisauhityakaraṇaṃ tvadīyābhirvāgbhistava janani vācāṃ stutiriyam

     Show meaningHide meaning

     This praise of yours, made of my own words, O Mother, is like waving lamp-flames before the sun, like offering moon-water as an offering to the moon itself, or like adding one's own small stream to the vast ocean -- utterly needless, yet offered still, out of devotion.