Ganesha Atharvashirsha
Last updated: 14 June 2026
Ganapati Atharvashirsha Upanishad — complete original text (with shanti-path, Ganesha Gayatri & phala-shruti)
Transliteration
oṃ bhadraṃ karṇebhiḥ śṛṇuyāma devāḥ | bhadraṃ paśyemākṣabhiryajatrāḥ | sthirairaṅgaistuṣṭuvāṃsastanūbhirvyaśema devahitaṃ yadāyuḥ ||1||
oṃ svasti na indro vṛddhaśravāḥ | svasti naḥ pūṣā viśvavedāḥ | svasti nastārkṣyo ariṣṭanemiḥ | svasti no bṛhaspatirdadhātu ||2||
oṃ śāntiḥ śāntiḥ śāntiḥ |
|| śrī gaṇapatyatharvaśīrṣam || oṃ namaste gaṇapataye | tvameva pratyakṣaṃ tattvamasi | tvameva kevalaṃ kartāsi | tvameva kevalaṃ dhartāsi | tvameva kevalaṃ hartāsi | tvameva sarvaṃ khalvidaṃ brahmāsi | tvaṃ sākṣādātmāsi nityam ||1||
ṛtaṃ vacmi | satyaṃ vacmi ||2||
ava tvaṃ mām | ava vaktāram | ava śrotāram | ava dātāram | ava dhātāram | avānūcānamava śiṣyam | ava paścāttāt | ava purastāt | ava uttarāttāt | ava dakṣiṇāttāt | ava cordhvāttāt | avādharāttāt | sarvato māṃ pāhi pāhi samantāt ||3||
tvaṃ vāṅmayastvaṃ cinmayaḥ | tvamānandamayastvaṃ brahmamayaḥ | tvaṃ saccidānandādvitīyo'si | tvaṃ pratyakṣaṃ brahmāsi | tvaṃ jñānamayo vijñānamayo'si ||4||
sarvaṃ jagadidaṃ tvatto jāyate | sarvaṃ jagadidaṃ tvattastiṣṭhati | sarvaṃ jagadidaṃ tvayi layameṣyati | sarvaṃ jagadidaṃ tvayi pratyeti | tvaṃ bhūmirāpo'nalo'nilo nabhaḥ | tvaṃ catvāri vākpadāni ||5||
tvaṃ guṇatrayātītaḥ | tvaṃ dehatrayātītaḥ | tvaṃ kālatrayātītaḥ | tvaṃ mūlādhārasthito'si nityam | tvaṃ śaktitrayātmakaḥ | tvāṃ yogino dhyāyanti nityam | tvaṃ brahmā tvaṃ viṣṇustvaṃ rudrastvamindrastvamagnistvaṃ vāyustvaṃ sūryastvaṃ candramāstvaṃ brahma bhūrbhuvaḥ svarom ||6||
gaṇādiṃ pūrvamuccārya varṇādiṃ tadanantaram | anusvāraḥ parataraḥ | ardhendulasitam | tāreṇa ruddham | etattava manusvarūpam | gakāraḥ pūrvarūpam | akāro madhyamarūpam | anusvāraścāntyarūpam | binduruttararūpam | nādaḥ sandhānam | saṃhitā sandhiḥ | saiṣā gaṇeśavidyā | gaṇaka ṛṣiḥ | nicṛdgāyatrī chandaḥ | gaṇapatirdevatā | oṃ gaṃ gaṇapataye namaḥ ||7||
ekadantāya vidmahe vakratuṇḍāya dhīmahi | tanno dantī pracodayāt ||8||
ekadantaṃ caturhastaṃ pāśamaṅkuśadhāriṇam | radaṃ ca varadaṃ hastairbibhrāṇaṃ mūṣakadhvajam || raktaṃ lambodaraṃ śūrpakarṇakaṃ raktavāsasam | raktagandhānuliptāṅgaṃ raktapuṣpaiḥ supūjitam || bhaktānukampinaṃ devaṃ jagatkāraṇamacyutam | āvirbhūtaṃ ca sṛṣṭyādau prakṛteḥ puruṣātparam || evaṃ dhyāyati yo nityaṃ sa yogī yogināṃ varaḥ ||9||
namo vrātapataye namo gaṇapataye namaḥ pramathapataye namaste'stu lambodarāya ekadantāya vighnanāśine śivasutāya varadamūrtaye namaḥ ||10||
phalaśrutiḥ — etadatharvaśīrṣaṃ yo'dhīte | sa brahmabhūyāya kalpate | sa sarvavighnairna bādhyate | sa sarvataḥ sukhamedhate | sa pañcamahāpāpātpramucyate | sāyamadhīyāno divasakṛtaṃ pāpaṃ nāśayati | prātaradhīyāno rātrikṛtaṃ pāpaṃ nāśayati | sāyaṃ prātaḥ prayuñjāno'pāpo bhavati | sarvatrādhīyāno'pavighno bhavati | dharmārthakāmamokṣaṃ ca vindati | idamatharvaśīrṣamaśiṣyāya na deyam | yo yadi mohāddāsyati sa pāpīyān bhavati | sahasrāvartanādyaṃ yaṃ yaṃ kāmamadhīte taṃ tamanena sādhayet ||11||
anena gaṇapatimabhiṣiñcati | sa vāgmī bhavati | caturthyāmanaśnan japati | sa vidyāvān bhavati | ityatharvaṇavākyam | brahmādyāvaraṇaṃ vidyāt | na bibheti kadācaneti ||12||
yo dūrvāṅkurairyajati | sa vaiśravaṇopamo bhavati | yo lājairyajati | sa yaśovān bhavati | sa medhāvān bhavati | yo modakasahasreṇa yajati | sa vāñchitaphalamavāpnoti | yaḥ sājyaiḥ samidbhiryajati | sa sarvaṃ labhate sa sarvaṃ labhate | aṣṭau brāhmaṇān samyag grāhayitvā sūryavarcasvī bhavati | sūryagrahe mahānadyāṃ pratimāsannidhau vā japtvā siddhamantro bhavati | mahāvighnāt pramucyate | mahādoṣāt pramucyate | mahāpratyavāyāt pramucyate | sa sarvavidbhavati sa sarvavidbhavati | ya evaṃ veda | ityupaniṣat ||13||
oṃ śāntiḥ śāntiḥ śāntiḥ ||Frequently Asked Questions
What is the Ganesha Atharvashirsha?
The Ganesha Atharvashirsha is a sacred Hindu devotional hymn (stotram) dedicated to Ganesha. VedKosh provides its complete text in Hindi and English with transliteration for regional readers.
What are the benefits of reciting the Ganesha Atharvashirsha?
Reciting the Ganesha Atharvashirsha with devotion is traditionally believed to invoke the grace of Ganesha, calm and focus the mind, and create an auspicious, sattvic atmosphere. It is practised as an act of bhakti (devotion) rather than for any guaranteed material outcome.
When should the Ganesha Atharvashirsha be recited?
The Ganesha Atharvashirsha can be recited during daily morning or evening worship of Ganesha, and especially on the deity's sacred days and festivals. A clean, quiet space and a steady, devotional mind are the main requirements.
Updated for 2026
