Bala Kand - Ramcharitmanas (Tulsidas)

Script

अर्थ भाषा

English, हिंदी या स्थानीय भाषा में अर्थ पढ़ें

1. मंगलाचरण

श्री गणेश, सरस्वती, शिव-पार्वती, गुरु एवं भगवान श्रीराम की मंगल स्तुति — रामचरितमानस के पावन आरम्भ हेतु शुभ वन्दना

वर्णानामर्थसंघानां रसानां छन्दसामपि। मङ्गलानां च कर्त्तारौ वन्दे वाणीविनायकौ ॥ १ ॥

भवानीशङ्करौ वन्दे श्रद्धाविश्वासरूपिणौ। याभ्यां विना न पश्यन्ति सिद्धाःस्वान्तःस्थमीश्वरम् ॥ २ ॥

वन्दे बोधमयं नित्यं गुरुं शङ्कररूपिणम्। यमाश्रितो हि वक्रोऽपि चन्द्रः सर्वत्र वन्द्यते ॥ ३ ॥

सीतारामगुणग्रामपुण्यारण्यविहारिणौ। वन्दे विशुद्धविज्ञानौ कबीश्वरकपीश्वरौ ॥ ४ ॥

उद्भवस्थितिसंहारकारिणीं क्लेशहारिणीम्। सर्वश्रेयस्करीं सीतां नतोऽहं रामवल्लभाम् ॥ ५ ॥

यन्मायावशवर्तिं विश्वमखिलं ब्रह्मादिदेवासुरा यत्सत्वादमृषैव भाति सकलं रज्जौ यथाहेर्भ्रमः। यत्पादप्लवमेकमेव हि भवाम्भोधेस्तितीर्षावतां वन्देऽहं तमशेषकारणपरं रामाख्यमीशं हरिम् ॥ ६ ॥

नानापुराणनिगमागमसम्मतं यद् रामायणे निगदितं क्वचिदन्यतोऽपि। स्वान्तःसुखाय तुलसी रघुनाथगाथा- भाषानिबन्धमतिमञ्जुलमातनोति ॥ ७ ॥

बंदउँ गुरु पद कंज कृपा सिंधु नररूप हरि। महामोह तम पुंज जासु बचन रबि कर निकर ॥ ५ ॥

बंदउँ गुरु पद पदुम परागा। सुरुचि सुबास सरस अनुरागा ॥ अमिय मूरिमय चूरन चारू। समन सकल भव रुज परिवारू ॥ सुकृति संभु तन बिमल बिभूती। मंजुल मंगल मोद प्रसूती ॥ जन मन मंजु मुकुर मल हरनी। किएँ तिलक गुन गन बस करनी ॥

जथा सुअंजन अंजि दृग साधक सिद्ध सुजान। कौतुक देखत सैल बन भूतल भूरि निधान ॥ १ ॥

मूक होइ बाचाल पंगु चढइ गिरिबर गहन। जासु कृपाँ सो दयाल द्रवउ सकल कलि मल दहन ॥ २ ॥

बंदउँ संत असज्जन चरना। दुखप्रद उभय बीच कछु बरना ॥

जड़ चेतन गुन दोषमय बिस्व कीन्ह करतार। संत हंस गुन गहहिं पय परिहरि बारि बिकार ॥ ६ ॥

जनकसुता जग जननि जानकी। अतिसय प्रिय करुना निधान की ॥ ताके जुग पद कमल मनावउँ। जासु कृपाँ निरमल मति पावउँ ॥ पुनि मन बचन कर्म रघुनायक। चरन कमल बंदउँ सब लायक ॥ राजिवनयन धरें धनु सायक। भगत बिपति भंजन सुख दायक ॥

गिरा अरथ जल बीचि सम कहिअत भिन्न न भिन्न। बदउँ सीता राम पद जिन्हहि परम प्रिय खिन्न ॥ १८ ॥

महावीर बिनवउँ हनुमाना। राम जासु जस आप बखाना ॥

प्रनवउँ पवनकुमार खल बन पावक ग्यानधन। जासु हृदय आगार बसहिं राम सर चाप धर ॥ १७ ॥

राम नाम मनिदीप धरु जीह देहरी द्वार। तुलसी भीतर बाहेरहुँ जौं चाहसि उजिआर ॥ २१ ॥

नामु राम को कलपतरु कलि कल्यान निवासु। जो सुमिरत भयो भाँग तें तुलसी तुलसीदासु ॥ २६ ॥

2. कथा प्रारम्भ — शिव-पार्वती संवाद

भगवान शिव द्वारा देवी पार्वती को श्रीराम की दिव्य कथा सुनाना — रामचरितमानस की पावन कथा का शुभारम्भ

राम अनंत अनंत गुन अमित कथा बिस्तार। सुनि आचरजु न मानिहहिं जिन्ह कें बिमल बिचार ॥ ३३ ॥

कीन्हि प्रस्न जेहि भाँति भवानी। जेहि बिधि संकर कहा बखानी ॥ सो सब हेतु कहब मैं गाई। कथाप्रबंध बिचित्र बनाई ॥

रामकथा मुनि भावन। बिरचेउ संभु सुहावन पावन ॥ त्रिबिध दोष दुख दारिद दावन। कलि कुचालि कुलि कलुष नसावन ॥ रचि महेस निज मानस राखा। पाइ सुसमउ सिवा सन भाषा ॥ तातें रामचरितमानस बर। धरेउ नाम हियँ हेरि हरषि हर ॥

जस मानस जेहि बिधि भयउ जग प्रचार जेहि हेतु। अब सोइ कहउँ प्रसंग सब सुमिरि उमा बृषकेतु ॥ ३५ ॥

एक बार त्रेता जुग माहीं। संभु गए कुंभज रिषि पाहीं ॥ संग सती जगजननि भवानी। पूजे रिषि अखिलेस्वर जानी ॥ रामकथा मुनीबर्ज बखानी। सुनी महेस परम सुखु मानी ॥

तेहि अवसर भंजन महिभारा। हरि रघुबंस लीन्ह अवतारा ॥ पिता बचन तजि राजु उदासी। दंडक बन बिचरत अबिनासी ॥

हृदयँ बिचारत जात हर केहि बिधि दरसनु होइ। गुप्त रुप अवतरेउ प्रभु गएँ जान सबु कोइ ॥ ४८(क) ॥

सतीं सो दसा संभु कै देखी। उर उपजा संदेहु बिसेषी ॥ संकरु जगतबंद्य जगदीसा। सुर नर मुनि सब नावत सीसा ॥ तिन्ह नृपसुतहि नह परनामा। कहि सच्चिदानंद परधामा ॥

ब्रह्म जो व्यापक बिरज अज अकल अनीह अभेद। सो कि देह धरि होइ नर जाहि न जानत वेद ॥ ५० ॥

जौं तुम्हरें मन अति संदेहू। तौ किन जाइ परीछा लेहू ॥ तब लगि बैठ अहउँ बटछाहिं। जब लगि तुम्ह ऐहहु मोहि पाही ॥ जैसें जाइ मोह भ्रम भारी। करेहु सो जतनु बिबेक बिचारी ॥

होइहि सोइ जो राम रचि राखा। को करि तर्क बढ़ावै साखा ॥ अस कहि लगे जपन हरिनामा। गई सती जहँ प्रभु सुखधामा ॥

पुनि पुनि हृदयँ विचारु करि धरि सीता कर रुप। आगें होइ चलि पंथ तेहि जेहिं आवत नरभूप ॥ ५२ ॥

सती कपटु जानेउ सुरस्वामी। सबदरसी सब अंतरजामी ॥ सुमिरत जाहि मिटइ अग्याना। सोइ सरबग्य रामु भगवाना ॥

राम बचन मृदु गूढ़ सुनि उपजा अति संकोचु। सती सभीत महेस पहिं चलीं हृदयँ बड़ सोचु ॥ ५३ ॥

जाना राम सतीं दुखु पावा। निज प्रभाउ कछु प्रगटि जनावा ॥ सतीं दीख कौतुकु मग जाता। आगें रामु सहित श्री भ्राता ॥ फिरि चितवा पाछें प्रभु देखा। सहित बंधु सिय सुंदर वेषा ॥ जहँ चितवहिं तहँ प्रभु आसीना। सेवहिं सिद्ध मुनीस प्रबीना ॥

तब संकर प्रभु पद सिरु नावा। सुमिरत रामु हृदयँ अस आवा। एहिं तन सतिहि भेट मोहि नाहीं। सिव संकल्पु कीन्ह मन माहीं ॥

परम पुनीत न जाइ तजि किएँ प्रेम बड़ पापु। प्रगटि न कहत महेसु कछु हृदयँ अधिक संतापु ॥ ५६ ॥

सती मरनु सुनि संभु गन लगे करन मख खीस। जग्य बिधंस बिलोकि भृगु रच्छा कीन्हि मुनीस ॥ ६४ ॥

सतीं मरत हरि सन बरु मागा। जनम जनम सिव पद अनुरागा ॥ तेहि कारन हिमगिरि गृह जाई। जनमीं पारबती तनु पाई ॥

त्रिकालग्य सर्बग्य तुम्ह गति सर्बत्र तुम्हारि। कहहु सुता के दोष गुन मुनिबर हृदयँ बिचारि ॥ ६६ ॥

जोगी जटिल अकाम मन नगन अमंगल बेष। अस स्वामी एहि कहँ मिलिहि परी हस्त असि रेख ॥ ६७ ॥

उर धरि उमा प्रानपति चरना। जाइ बिपिन लागीं तपु करना ॥ अति सुकुमार न तनु तप जोगू। पति पद सुमिरि तजेउ सबु भोगू ॥ नित नव चरन उपज अनुरागा। बिसरी देह तपहिं मनु लागा ॥

संबत सहस मूल फल खाए। सागु खाइ सत बरष गवाँए ॥ कछु दिन भोजनु बारि बतासा। किए कठिन कछु दिन उपबासा ॥ बेल पाती महि परइ सुखाई। तीनि सहस संबत सोई खाई ॥ पुनि परिहरे सुखानेउ परना। उमहि नाम तब भयउ अपरना ॥

भयउ मनोरथ सुफल तव सुनु गिरिजाकुमारि। परिहरु दुसह कलेस सब अब मिलिहहिं त्रिपुरारि ॥ ७४ ॥

उमा कहउँ मैं अनुभव अपना। सत हरि भजनु जगत सब सपना ॥

सिवहि संभु गन करहिं सिंगारा। जटा मुकुट अहि मौरु सँवारा ॥ कुंडल कंकन पहिरे ब्याला। तन बिभूति पट केहरि छाला ॥ ससि ललाट सुंदर सिर गंगा। नयन तीनि उपबीत भुजंगा ॥ गरल कंठ उर नर सिर माला। असिव बेष सिवधाम कृपाला ॥

कर त्रिसूल अरु डमरु बिराजा। चले बसहँ चढ़ि बाजहिं बाजा ॥ देखि सिवहि सुरत्रिय मुसुकाहीं। बर लायक दुलहिनि जग नाहीं ॥

बेदी बेद बिधान सँवारी। सुभग सुमंगल गावहिं नारी ॥ बैठे सिव बिप्रन्ह सिरु नाई। हृदयँ सुमिरि निज प्रभु रघुराई ॥ बहुरि मुनीसन्ह उमा बोलाई। करि सिंगारु सखीं लै आई ॥ देखत रूपु सकल सुर मोहे। बरनै छबि अस जग कबि को है ॥

जसि बिबाह कै बिधि श्रुति गाई। महामुनिन्ह सो सब करवाई ॥ गहि गिरीस कुस कन्या पानी। भवहि समरपीं जानि भवानी ॥ पानिग्रहन जब कीन्ह महेसा। हिंयँ हरषे तब सकल सुरेसा ॥ बेद मंत्र मुनिबर उच्चरहीं। जय जय जय संकर सुर करहीं ॥ हर गिरिजा कर भयउ बिबाहू। सकल भुवन भरि रहा उछाहू ॥

3. अवतार कारण

भगवान श्रीराम के अवतार के दिव्य कारण — रावण का अत्याचार, पृथ्वी एवं देवताओं की प्रार्थना तथा नारद जी का शाप-प्रसंग

सुनु गिरिजा हरिचरित सुहाए। बिपुल बिसद निगमागम गाए॥

जब जब होइ धरम कै हानी। बाढ़हिं असुर अधम अभिमानी॥

तब तब प्रभु धरि बिबिध सरीरा। हरहिं कृपानिधि सज्जन पीरा॥

बिप्र धेनु सुर संत हित लीन्ह मनुज अवतार। निज इच्छा निर्मित तनु माया गुन गो पार॥ १९२॥

इच्छामय नरबेष सँवारें। होइहउँ प्रगट निकेत तुम्हारे॥

एहि बिधि जन्म करम हरि केरे। सुंदर सुखद बिचित्र घनेरे॥

राम रूप गुन अमित सुहाए। समुझत मन अनुरागु न जाए॥

4. राम जन्म

अयोध्या में भगवान श्रीराम का दिव्य प्राकट्य — माता कौसल्या का आनन्द, गुरु वशिष्ठ द्वारा नामकरण संस्कार एवं मंगल उत्सव

नौमी तिथि मधु मास पुनीता। सुकल पच्छ अभिजित हरिप्रीता॥

मध्यदिवस अति सीत न धामा। पावन काल लोक बिश्रामा॥

भए प्रगट कृपाला दीनदयाला कौसल्या हितकारी। हरषित महतारी मुनि मन हारी अद्भुत रूप बिचारी॥

लोचन अभिरामा तनु घनस्यामा निज आयुध भुज चारी। भूषन बनमाला नयन बिसाला सोभासिंधु खरारी॥

कह दुइ कर जोरी अस्तुति तोरी केहि बिधि करौं अनंता। माया गुन ग्यानातीत अमाना बेद पुरान भनंता॥

जोगी सिद्ध मुनीसा ध्यावहिं तुम्ह सनकादिक जेहि ध्यावहिं। सिव बिरंचि सुर सेवहिं नित नित निगम पुरान गावहिं॥

तनय मोह बस मति भइ तोरी। मायाँ जिन्ह डारि जग जोरी॥

लच्छन धाम राम प्रिय सकल जगत आधार। गुरु बसिष्ठ तेहि राखा लछिमन नाम उदार॥ १९७॥

5. बालचरित

भगवान श्रीराम और उनके भाइयों की मनमोहक बाल-लीलाएँ — दिव्य खेल, गुरु वशिष्ठ के आश्रम में शिक्षा-दीक्षा

प्रेम मगन कौसल्या निसि दिन जात न जान। सुत सनेह बस माता बालचरित कर गान॥

एक बार जननीं अन्हवाए। करि सिंगार पलनाँ पौढ़ाए॥ निज कुल इष्टदेव भगवाना। पूजा हेतु कीन्ह अस्नाना॥

करि पूजा नैबेद्य चढ़ावा। आपु गई जहँ पाक बनावा॥ बहुरि मातु तहवाँ चलि आई। भोजन करत देख सुत जाई॥

गै जननी सिसु पहिं भयभीता। देखा बाल तहाँ पुनि सूता॥ बहुरि आइ देखा सुत सोई। हृदयँ कंप मन धीर न होई॥

इहाँ उहाँ दुइ बालक देखा। मतिभ्रम मोर कि आन बिसेषा॥ देखि राम जननी अकुलानी। प्रभु हँसि दीन्ह मधुर मुसुकानी॥

देखरावा मातहि निज अद्भुत रूप अखंड। रोम रोम प्रति लागे कोटि कोटि ब्रह्मंड॥

अगनित रबि ससि सिव चतुरानन। बहु गिरि सरित सिंधु महि कानन॥ काल कर्म गुन ग्यान सुभाऊ। सोउ देखा जो सुना न काऊ॥

देखी माया सब बिधि गाढ़ी। अति सभीत जोरें कर ठाढ़ी॥ देखा जीव नचावइ जाही। देखी भगति जो छोरइ ताही॥

तन पुलकित मुख बचन न आवा। नयन मूदि चरननि सिरु नावा॥ बिसमयवंत देखि महतारी। भए बहुरि सिसुरूप खरारी॥

अस्तुति करि न जाइ भय माना। जगत पिता मैं सुत करि जाना॥ हरि जननी बहुबिधि समुझाई। यह जनि कतहुँ कहसि सुनु माई॥

बार बार कौसल्या बिनय करइ कर जोरि। अब जनि कबहूँ ब्यापै प्रभु मोहि माया तोरि॥

बालचरित हरि बहुबिधि कीन्हा। अति अनंद दासन्ह कहँ दीन्हा॥ कछुक काल बीतें सब भाई। बड़े भए परिजन सुखदाई॥

भोजन करत चपल चित इत उत अवसरु पाइ। भाजि चले किलकत मुख दधि ओदन लपटाइ॥

बालचरित अति सरल सुहाए। सारद सेष संभु श्रुति गाए॥ जिन्ह कर मन इन्ह सन नहिं राता। ते जन बंचित किए बिधाता॥

भए कुमार जबहिं सब भ्राता। दीन्ह जनेऊ गुरु पितु माता॥ गुरगृहँ गए पढ़न रघुराई। अलप काल बिद्या सब आई॥

जाकी सहज स्वास श्रुति चारी। सो हरि पढ़ यह कौतुक भारी॥ बिद्या बिनय निपुन गुन सीला। खेलहिंखेल सकल नृपलीला॥

करतल बान धनुष अति सोहा। देखत रूप चराचर मोहा॥ जिन्ह बीथिन्ह बिहरहिं सब भाई। थकित होहिं सब लोग लुगाई॥

कोसलपुर बासी नर नारि बृद्ध अरु बाल। प्रानहु ते प्रिय लागत सब कहुँ राम कृपाल॥

बंधु सखा सँग लेहिं बोलाई। बन मृगया नित खेलहिं जाई॥

कौसल्या जब बोलन जाई। ठुमुकु ठुमुकु प्रभु चलहिं पराई॥ निगम नेति सिव अंत न पावा। ताहि धरै जननी हठि धावा॥

प्रातकाल उठि कै रघुनाथा। मातु पिता गुरु नावहिं माथा॥ आयसु मागि करहिं पुर काजा। देखि चरित हरषइ मन राजा॥

6. विश्वामित्र आगमन

महामुनि विश्वामित्र का राजा दशरथ के दरबार में आगमन, राम-लक्ष्मण को यज्ञ-रक्षा हेतु अपने साथ ले जाना एवं दिव्य अस्त्र-विद्या प्रदान करना

ब्यापक अकल अनीह अज निर्गुन नाम न रूप। भगत हेतु नाना बिधि करत चरित्र अनूप॥

यह सब चरित कहा मैं गाई। आगिलि कथा सुनहु मन लाई॥ बिस्वामित्र महामुनि ग्यानी। बसहिं बिपिन सुभ आश्रम जानी॥

जहँ जप जग्य जोग मुनि करहीं। अति मारीच सुबाहुहि डरहीं॥ देखत जग्य निसाचर धावहिं। करहिं उपद्रव मुनि दुख पावहिं॥

गाधितनय मन चिंता ब्यापी। हरि बिनु मरहिं न निसिचर पापी॥ तब मुनिबर मन कीन्ह बिचारा। प्रभु अवतरेउ हरन महि भारा॥

एहूँ मिस देखौं पद जाई। करि बिनती आनौं दोउ भाई॥ ग्यान बिराग सकल गुन अयना। सो प्रभु मैं देखब भरि नयना॥

बहुबिधि करत मनोरथ जात लागि नहिं बार। करि मज्जन सरऊ जल गए भूप दरबार॥

मुनि आगमन सुना जब राजा। मिलन गयउ लै बिप्र समाजा॥ करि दंडवत मुनिहि सनमानी। निज आसन बैठारेन्हि आनी॥

चरन पखारि कीन्हि अति पूजा। मो सम आजु धन्य नहिं दूजा॥ बिबिध भाँति भोजन करवावा। मुनिबर हृदयँ हरष अति पावा॥

पुनि चरननि मेले सुत चारी। राम देखि मुनि देह बिसारी॥ भए मगन देखत मुख सोभा। जनु चकोर पूरन ससि लोभा॥

तब मन हरषि बचन कह राऊ। मुनि अस कृपा न कीन्हिहु काऊ॥ केहि कारन आगमन तुम्हारा। कहहु सो करत न लावउँ बारा॥

असुर समूह सतावहिं मोही। मैं जाचन आयउँ नृप तोही॥ अनुज समेत देहु रघुनाथा। निसिचर बध मैं होब सनाथा॥

सुनि राजा अति अप्रिय बानी। हृदय कंप मुख दुति कुमुलानी॥ चौथेंपन पायउँ सुत चारी। बिप्र बचन नहिं कहेहु बिचारी॥

मागहु भूमि धेनु धन कोसा। सर्बस देउँ आजु सहरोसा॥ देह प्रान तें प्रिय कछु नाहीं। सोउ मुनि देउँ निमिष एक माहीं॥

सब सुत प्रिय मोहि प्रान की नाईं। राम देत नहिं बनइ गोसाईं॥ कहँ निसिचर अति घोर कठोरा। कहँ सुंदर सुत परम किसोरा॥

सुनि नृप गिरा प्रेम रस सानी। हृदयँ हरष माना मुनि ग्यानी॥ तब बसिष्ट बहुबिधि समुझावा। नृप संदेह नास कहँ पावा॥

100

देहु भूप मन हरषित तजहु मोह अग्यान। धर्म सुजस प्रभु तुम्ह कौं इन्ह कहँ अति कल्यान॥

101

अति आदर दोउ तनय बोलाए। हृदयँ लाइ बहु भाँति सिखाए॥ मेरे प्रान नाथ सुत दोऊ। तुम्ह मुनि पिता आन नहिं कोऊ॥

102

सौंपे भूप रिषिहि सुत बहुबिधि देइ असीस। जननी भवन गए प्रभु चले नाइ पद सीस॥

103

पुरुष सिंह दोउ बीर हरषि चले मुनि भय हरन। कृपासिंधु मतिधीर अखिल बिस्व कारन करन॥

104

अरुन नयन उर बाहु बिसाला। नील जलज तनु स्याम तमाला॥ कटि पट पीत कसें बर भाथा। रुचिर चाप सायक दुहुँ हाथा॥

105

स्याम गौर सुंदर दोउ भाई। बिस्वामित्र महानिधि पाई॥ प्रभु ब्रह्मन्यदेव मैं जाना। मोहि नित पिता तजेउ भगवाना॥

106

चले जात मुनि दीन्हि देखाई। सुनि ताड़का क्रोध करि धाई॥ एकहिं बान प्रान हरि लीन्हा। दीन जानि तेहि निज पद दीन्हा॥

107

तब रिषि निज नाथहि जियँ चीन्ही। बिद्यानिधि कहुँ बिद्या दीन्ही॥ जाते लाग न छुधा पिपासा। अतुलित बल तनु तेज प्रकासा॥

7. ताड़का-वध एवं सिद्धाश्रम

श्रीराम द्वारा राक्षसी ताड़का का वध, मारीच-सुबाहु का संहार एवं सिद्धाश्रम में पावन यज्ञ की रक्षा

108

ब्यापक अकल अनीह अज निर्गुन नाम न रूप।
भगत हेतु नाना बिधि करत चरित्र अनूप ॥ २०५ ॥

109

बिस्वामित्र महामुनि ग्यानी। बसहि बिपिन सुभ आश्रम जानी ॥
जहँ जप जग्य मुनि करही। अति मारीच सुबाहुहि डरहीं ॥
देखत जग्य निसाचर धावहि। करहि उपद्रव मुनि दुख पावहिं ॥
गाधितनय मन चिंता ब्यापी। हरि बिनु मरहि न निसिचर पापी ॥

110

बहुबिधि करत मनोरथ जात लागि नहिं बार।
करि मज्जन सरऊ जल गए भूप दरबार ॥ २०६ ॥

111

असुर समूह सतावहिं मोही। मै जाचन आयउँ नृप तोही ॥
अनुज समेत देहु रघुनाथा। निसिचर बध मैं होब सनाथा ॥

112

सौंपे भूप रिषिहि सुत बहु बिधि देइ असीस।
जननी भवन गए प्रभु चले नाइ पद सीस ॥ २०८(क) ॥

113

अरुन नयन उर बाहु बिसाला। नील जलज तनु स्याम तमाला ॥
कटि पट पीत कसें बर भाथा। रुचिर चाप सायक दुहुँ हाथा ॥
स्याम गौर सुंदर दोउ भाई। बिस्बामित्र महानिधि पाई ॥

114

चले जात मुनि दीन्हि देखाई। सुनि ताड़का क्रोध करि धाई ॥
एकहिं बान प्रान हरि लीन्हा। दीन जानि तेहि निज पद दीन्हा ॥

115

तब रिषि निज नाथहि जियँ चीन्ही। बिद्यानिधि कहुँ बिद्या दीन्ही ॥
जाते लाग न छुधा पिपासा। अतुलित बल तनु तेज प्रकासा ॥

116

आयुध सब समर्पि कै प्रभु निज आश्रम आनि।
कंद मूल फल भोजन दीन्ह भगति हित जानि ॥ २०९ ॥

117

प्रात कहा मुनि सन रघुराई। निर्भय जग्य करहु तुम्ह जाई ॥
होम करन लागे मुनि झारी। आपु रहे मख कीं रखवारी ॥

118

सुनि मारीच निसाचर क्रोही। लै सहाय धावा मुनिद्रोही ॥
बिनु फर बान राम तेहि मारा। सत जोजन गा सागर पारा ॥
पावक सर सुबाहु पुनि मारा। अनुज निसाचर कटकु सँघारा ॥
मारि असुर द्विज निर्भयकारी। अस्तुति करहिं देव मुनि झारी ॥

119

तहँ पुनि कछुक दिवस रघुराया। रहे कीन्हि बिप्रन्ह पर दाया ॥
भगति हेतु बहु कथा पुराना। कहे बिप्र जद्यपि प्रभु जाना ॥
तब मुनि सादर कहा बुझाई। चरित एक प्रभु देखिअ जाई ॥
धनुषजग्य सुनि रघुकुल नाथा। हरषि चले मुनिबर के साथा ॥

8. अहल्या उद्धार

भगवान श्रीराम के पावन चरण-स्पर्श से अहल्या का गौतम ऋषि के शाप से उद्धार — पतित-पावन नाम की सार्थकता

120

आश्रम एक दीख मग माहीं। खग मृग जीव जंतु तहँ नाहीं ॥
पूछा मुनिहि सिला प्रभु देखी। सकल कथा मुनि कहा बिसेषी ॥

121

गौतम नारि श्राप बस उपल देह धरि धीर।
चरन कमल रज चाहति कृपा करहु रघुबीर ॥ २१० ॥

122

परसत पद पावन सोक नसावन प्रगट भई तपपुंज सही।
देखत रघुनायक जन सुख दायक सनमुख होइ कर जोरि रही ॥
अति प्रेम अधीरा पुलक सरीरा मुख नहिं आवइ बचन कही।
अतिसय बड़भागी चरनन्हि लागी जुगल नयन जलधार बही ॥

123

धीरजु मन कीन्हा प्रभु कहुँ चीन्हा रघुपति कृपाँ भगति पाई।
अति निर्मल बानीं अस्तुति ठानी ग्यानगम्य जय रघुराई ॥

124

मै नारि अपावन प्रभु जग पावन रावन रिपु जन सुखदाई।
राजीव बिलोचन भव भय मोचन पाहि पाहि सरनहिं आई ॥

125

मुनि श्राप जो दीन्हा अति भल कीन्हा परम अनुग्रह मैं माना।
देखेउँ भरि लोचन हरि भवमोचन इहइ लाभ संकर जाना ॥

126

बिनती प्रभु मोरी मैं मति भोरी नाथ न मागउँ बर आना।
पद कमल परागा रस अनुरागा मम मन मधुप करै पाना ॥

127

जेहिं पद सुरसरिता परम पुनीता प्रगट भई सिव सीस धरी।
सोइ पद पंकज जेहि पूजत अज मम सिर धरेउ कृपाल हरी ॥

128

एहि भाँति सिधारी गौतम नारी बार बार हरि चरन परी।
जो अति मन भावा सो बरु पावा गै पतिलोक अनंद भरी ॥

129

अस प्रभु दीनबंधु हरि कारन रहित दयाल।
तुलसिदास सठ तेहि भजु छाड़ि कपट जंजाल ॥ २११ ॥

9. जनकपुर आगमन

श्रीराम और लक्ष्मण का जनकपुर (मिथिला) आगमन — नगरवासियों का मोहित होना, सीता-राम का प्रथम दर्शन एवं प्रेम का उदय

130

तासु दसा देखी सखिन्ह पुलक गात जलु नैन।
कहु कारनु निज हरष कर पूछहिं सब मृदु बैन॥228॥

131

देखन बागु कुअँर दुइ आए। बय किसोर सब भाँति सुहाए॥
स्याम गौर किमि कहौं बखानी। गिरा अनयन नयन बिनु बानी॥1॥

132

सुमिरि सीय नारद बचन उपजी प्रीति पुनीत।
चकित बिलोकति सकल दिसि जनु सिसु मृगी सभीत॥229॥

133

कंकन किंकिनि नूपुर धुनि सुनि। कहत लखन सन रामु हृदयँ गुनि॥
मानहुँ मदन दुंदुभी दीन्ही। मनसा बिस्व बिजय कहँ कीन्ही॥1॥

134

अस कहि फिरि चितए तेहि ओरा। सिय मुख ससि भए नयन चकोरा॥
भए बिलोचन चारु अचंचल। मनहुँ सकुचि निमि तजे दिगंचल॥2॥

135

देखि सीय शोभा सुखु पावा। हृदयँ सराहत बचनु न आवा॥
जनु बिरंचि सब निज निपुनाई। बिरचि बिस्व कहँ प्रगटि देखाई॥3॥

136

सुंदरता कहुँ सुंदर करई। छबिगृहँ दीपसिखा जनु बरई॥
सब उपमा कबि रहे जुठारी। केहिं पटतरौं बिदेहकुमारी॥4॥

137

सिय शोभा हियँ बरनि प्रभु आपनि दसा बिचारि॥
बोले सुचि मन अनुज सन बचन समय अनुहारि॥230॥

138

करत बतकही अनुज सन मन सिय रूप लोभान।
मुख सरोज मकरंद छबि करइ मधुप इव पान॥231॥

139

थके नयन रघुपति छबि देखें। पलकन्हिहूँ परिहरीं निमेषें॥
अधिक सनेहँ देह भै भोरी। सरद ससिहि जनु चितव चकोरी॥3॥

140

लताभवन तें प्रगट भे तेहि अवसर दोउ भाइ।
तकिसे जनु जुग बिमल बिधु जलद पटल बिलगाई॥232॥

141

केहरि कटि पट पीत धर सुषमा सील निधान।
देखि भानुकुलभूषनहि बिसरा सखिन्ह अपान॥233॥

142

देखन मिस मृग बिहग तरु फिरइ बहोरि बहोरि।
निरखि निरखि रघुबीर छबि बाढ़इ प्रीति न थोरि॥234॥

143

गई भवानी भवन बहोरी। बंदि चरन बोली कर जोरी॥2॥
जय जय गिरिबरराज किसोरी। जय महेस मुख चंद चकोरी॥
जय गजबदन षडानन माता। जगत जननि दामिनि दुति गाता॥3॥

144

नहिं तव आदि मध्य अवसाना। अमित प्रभाउ बेदु नहिं जाना॥
भव भव बिभव पराभव कारिनि। बिस्व बिमोहनि स्वबस बिहारिनि॥4॥

145

पतिदेवता सुतीय महुँ मातु प्रथम तव रेख।
महिमा अमित न सकहिं कहि सहस सारदा सेष॥235॥

146

सेवत तोहि सुलभ फल चारी। बरदायनी पुरारि पिआरी॥
देबि पूजि पद कमल तुम्हारे। सुर नर मुनि सब होहिं सुखारे॥1॥

147

बिनय प्रेम बस भई भवानी। खसी माल मूरति मुसुकानी॥
सादर सियँ प्रसादु सिर धरेऊ। बोली गौरि हरषु हियँ भरेऊ॥3॥
सुनु सिय सत्य असीस हमारी। पूजिहि मन कामना तुम्हारी॥
नारद बचन सदा सुचि साचा। सो बरु मिलिहि जाहिं मनु राचा॥4॥

148

मनु जाहिं राचेउ मिलिहि सो बरु सहज सुंदर साँवरो। करुना निधान सुजान सीलु सनेहु जानत रावरो॥
एहि भाँति गौरि असीस सुनि सिय सहित हियँ हरषीं अली। तुलसी भवानिहि पूजि पुनि पुनि मुदित मन मंदिर चली॥

149

जानि गौरि अनुकूल सिय हिय हरषु न जाइ कहि।
मंजुल मंगल मूल बाम अंग फरकन लगे॥236॥

10. धनुष-यज्ञ एवं सीता-स्वयंवर

श्रीराम द्वारा सहज ही शिव-धनुष का भंजन, सीता जी का वरण — दिव्य जयमाला, देवताओं की दुंदुभी एवं सम्पूर्ण लोक में उत्सव

150

गुरजन लाज समाजु बड़ देखि सीय सकुचानि।
लागि बिलोकन सखिन्ह तन रघुबीरहि उर आनि॥248॥

151

बोले बंदी बचन बर सुनहु सकल महिपाल।
पन बिदेह कर कहहिं हम भुजा उठाइ बिसाल॥249॥

152

तमकि धरहिं धनु मूढ़ नृप उठइ न चलहिं लजाइ॥
मनहुँ पाइ भट बाहुबलु अधिकु अधिकु गरुआइ॥250॥

153

भूप सहस दस एकहि बारा। लगे उठावन टरइ न टारा॥
डगइ न संभु सरासनु कैसें। कामी बचन सती मनु जैसें॥1॥

154

कुअँरि मनोहर बिजय बड़ि कीरतिअति कमनीय।
पावनिहार बिरंचि जनु रचेउ न धनु दमनीय॥251॥

155

कहहु काहि यहु लाभु न भावा। काहुँ न संकर चाप चढ़ावा॥
रहउ चढ़ाउब तोरब भाई। तिलु भरि भूमि न सके छड़ाई॥1॥
अब जनि कोउ भाखे भट मानी। बीर बिहीन मही मैं जानी॥
तजहु आस निज निज गृह जाहू। लिखा न बिधि बैदेहि बिबाहू॥2॥

156

कहि न सकत रघुबीर डर लगे बचन जनु बान।
नाइ राम पद कमल सिरु बोले गिरा प्रमान॥252॥

157

तोरौं छत्रक दंड जिमि तव प्रताप बल नाथ।
जौं न करौं प्रभु पद सपथ कर न धरौं धनु भाथ॥253॥

158

उदित उदयगिरि मंच पर रघुबर बालपतंग।
बिकसे संत सरोज सब हरषे लोचन भृंग॥254॥

159

देखि देखि रघुबीर तन सुर मनाव धरि धीर।
भरे बिलोचन प्रेम जल पुलकावली सरीर॥257॥

160

प्रभुहि चितइ पुनि चितव महि राजत लोचन लोल।
खेलत मनसिज मीन जुग जनु बिधु मंडल डोल॥258॥

161

लखन लखेउ रघुबंसमनि ताकेउ हर कोदंडु।
पुलकि गात बोले बचन चरन चापि ब्रह्मांडु॥259॥

162

गुरहि प्रनामु मनहिं मन कीन्हा। अति लाघवँ उठाइ धनु लीन्हा॥
दमकेउ दामिनि जिमि जब लयऊ। पुनि नभ धनु मंडल सम भयऊ॥3॥
लेत चढ़ावत खैंचत गाढ़ें। काहुँ न लखा देख सबु ठाढ़ें॥
तेहि छन राम मध्य धनु तोरा। भरे भुवन धुनि घोर कठोरा॥4॥

163

भे भुवन घोर कठोर रव रबि बाजि तजि मारगु चले। चिक्करहिं दिग्गज डोल महि अहि कोल कूरुम कलमले॥
सुर असुर मुनि कर कान दीन्हें सकल बिकल बिचारहीं। कोदंड खंडेउ राम तुलसी जयति बचन उचारहीं॥

164

राम बिलोके लोग सब चित्र लिखे से देखि।
चितई सीय कृपायतन जानी बिकल बिसेषि॥260॥

165

संकर चापु जहाजु सागरु रघुबर बाहुबलु।
बूड़ सो सकल समाजु चढ़ा जो प्रथमहिं मोह बस॥261॥

166

बंदी मागध सूतगन बिरुद बदहिं मतिधीर।
करहिं निछावरि लोग सब हय गय धन मनि चीर॥262॥

167

संग सखीं सुंदर चतुर गावहिं मंगलचार।
गवनी बाल मराल गति सुषमा अंग अपार॥263॥

168

सोहत जनु जुग जलज सनाला। ससिहि सभीत देत जयमाला॥
गावहिं छबि अवलोकि सहेली। सियँ जयमाल राम उर मेली॥4॥

11. परशुराम संवाद

धनुष-भंग के पश्चात् परशुराम और लक्ष्मण के मध्य तीव्र संवाद — श्रीराम की दिव्यता को पहचानकर परशुराम का क्रोध शान्त होना

169

सुनि मुनि बचन लखन मुसुकाने। बोले परसुधरहि अपमाने ॥
बहु धनुहीं तोरीं लरिकाईं। कबहुँ न असि रिस कीन्हि गोसाईं ॥

170

रे नृप बालक कालबस बोलत तोहि न सँमार ॥
धनुही सम तिपुरारि धनु बिदित सकल संसार ॥ २७१ ॥

171

लखन कहा हँसि हमरें जाना। सुनहु देव सब धनुष समाना ॥
छुअत टूट रघुपतिहु न दोसू। मुनि बिनु काज करिअ कत रोसू ॥

172

बोले चितइ परसु की ओरा। रे सठ सुनेहि सुभाउ न मोरा ॥
बालकु बोलि बधउँ नहिं तोही। केवल मुनि जड़ जानहि मोही ॥

173

बिहसि लखनु बोले मृदु बानी। अहो मुनीसु महा भटमानी ॥
पुनि पुनि मोहि देखाव कुठारू। चहत उड़ावन फूँकि पहारू ॥

174

सहसबाहु भुज छेदनिहारा। परसु बिलोकु महीपकुमारा ॥

175

मातु पितहि जनि सोचबस करसि महीसकिसोर ॥
गर्भन्ह के अर्भक दलन परसु मोर अति घोर ॥ २७२ ॥

176

लखन कहेउ मुनि सुजसु तुम्हारा। तुम्हहि अछत को बरनै पारा ॥
अपने मुँह तुम्ह आपनि करनी। बार अनेक भाँति बहु बरनी ॥

177

सूर समर करनी करहिं कहि न जनावहिं आपु ॥
बिद्यमान रन पाइ रिपु कायर कथहिं प्रतापु ॥ २७४ ॥

178

लखन उतर आहुति सरिस भृगुबर कोपु कृसानु ॥
बढ़त देखि जल सम बचन बोले रघुकुलभानु ॥ २७६ ॥

179

नाथ करहु बालक पर छोहू। सूध दूधमुख करिअ न कोहू ॥
जौं पै प्रभु प्रभाउ कछु जाना। तौ कि बराबरि करत अयाना ॥

180

राम कहेउ रिस तजिअ मुनीसा। कर कुठारु आगें यह सीसा ॥
जेंहिं रिस जाइ करिअ सोइ स्वामी। मोहि जानि आपन अनुगामी ॥

181

सुनु मृदु गूढ़ बचन रघुपति के। उघरे पटल परसुधर मति के ॥
राम रमापति कर धनु लेहू। खैंचहु मिटै मोर संदेहू ॥

182

देत चापु आपुहिं चलि गयऊ। परसुराम मन बिसमय भयऊ ॥

183

जाना राम प्रभाउ तब पुलक प्रफुल्लित गात ॥
जोरि पानि बोले बचन ह्दयँ न प्रेमु अमात ॥ २८४ ॥

184

जय रघुबंस बनज बन भानू। गहन दनुज कुल दहन कृसानू ॥
जय सुर बिप्र धेनु हितकारी। जय मद मोह कोह भ्रम हारी ॥
अनुचित बहुत कहेउँ अग्याता। छमहु छमामंदिर दोउ भ्राता ॥
कहि जय जय जय रघुकुलकेतू। भृगुपति गए बनहि तप हेतू ॥

12. विवाह एवं विदाई

सीता-राम एवं चारों भाइयों का पावन विवाह, राजा जनक की भावपूर्ण विदाई एवं अवधपुरी में आनन्दमय वापसी — बालकाण्ड का मंगल उपसंहार

185

जनक कीन्ह कौसिकहि प्रनामा। प्रभु प्रसाद धनु भंजेउ रामा ॥
मोहि कृतकृत्य कीन्ह दुहुँ भाईं। अब जो उचित सो कहिअ गोसाई ॥

186

तदपि जाइ तुम्ह करहु अब जथा बंस ब्यवहारु ॥
बूझि बिप्र कुलबृद्ध गुर बेद बिदित आचारु ॥ २८६ ॥

187

मंगल मूल लगन दिनु आवा। हिम रितु अगहनु मासु सुहावा ॥
ग्रह तिथि नखतु जोगु बर बारू। लगन सोधि बिधि कीन्ह बिचारू ॥

188

संख निसान पनव बहु बाजे। मंगल कलस सगुन सुभ साजे ॥
सुभग सुआसिनि गावहिं गीता। करहिं बेद धुनि बिप्र पुनीता ॥

189

हरषे दसरथ सुतन्ह समेता। कहि न जाइ उर आनँदु जेता ॥
सुर प्रनामु करि बरसहिं फूला। मुनि असीस धुनि मंगल मूला ॥

190

बर कुअँरि करतल जोरि साखोचारु दोउ कुलगुर करैं ॥
भयो पानिगहनु बिलोकि बिधि सुर मनुज मुनि आँनद भरैं ॥

191

हिमवंत जिमि गिरिजा महेसहि हरिहि श्री सागर दई ॥
तिमि जनक रामहि सिय समरपी बिस्व कल कीरति नई ॥
करि होम बिधिवत गाँठि जोरी होन लागी भावँरी ॥

192

राम सीय सिर सेंदुर देहीं। सोभा कहि न जाति बिधि केहीं ॥

193

जय धुनि बंदी बेद धुनि मंगल गान निसान ॥
सुनि हरषहिं बरषहिं बिबुध सुरतरु सुमन सुजान ॥ ३२४ ॥

194

तब जनक पाइ बसिष्ठ आयसु ब्याह साज सँवारि कै ॥
माँडवी श्रुतिकीरति उरमिला कुअँरि लईं हँकारि के ॥
कुसकेतु कन्या प्रथम जो गुन सील सुख सोभामई ॥
सब रीति प्रीति समेत करि सो ब्याहि नृप भरतहि दई ॥

195

जानकी लघु भगिनी सकल सुंदरि सिरोमनि जानि कै ॥
सो तनय दीन्ही ब्याहि लखनहि सकल बिधि सनमानि कै ॥
जेहि नामु श्रुतकीरति सुलोचनि सुमुखि सब गुन आगरी ॥
सो दई रिपुसूदनहि भूपति रूप सील उजागरी ॥

196

मुदित अवधपति सकल सुत बधुन्ह समेत निहारि ॥
जनु पाए महिपाल मनि क्रियन्ह सहित फल चारि ॥ ३२५ ॥

197

चलिहि बरात सुनत सब रानीं। बिकल मीनगन जनु लघु पानीं ॥
पुनि पुनि सीय गोद करि लेहीं। देइ असीस सिखावनु देहीं ॥
होएहु संतत पियहि पिआरी। चिरु अहिबात असीस हमारी ॥
सासु ससुर गुर सेवा करेहू। पति रुख लखि आयसु अनुसरेहू ॥

198

प्रेमबिबस नर नारि सब सखिन्ह सहित रनिवासु ॥
मानहुँ कीन्ह बिदेहपुर करुनाँ बिरहँ निवासु ॥ ३३७ ॥

199

बंधु समेत जनकु तब आए। प्रेम उमगि लोचन जल छाए ॥
सीय बिलोकि धीरता भागी। रहे कहावत परम बिरागी ॥
लीन्हि राँय उर लाइ जानकी। मिटी महामरजाद ग्यान की ॥
समुझावत सब सचिव सयाने। कीन्ह बिचारु न अवसर जाने ॥

200

बारहिं बार सुता उर लाई। सजि सुंदर पालकीं मगाई ॥

201

प्रेमबिबस परिवारु सबु जानि सुलगन नरेस ॥
कुँअरि चढ़ाई पालकिन्ह सुमिरे सिद्धि गनेस ॥ ३३८ ॥

202

सुक सारिका जानकी ज्याए। कनक पिंजरन्हि राखि पढ़ाए ॥
ब्याकुल कहहिं कहाँ बैदेही। सुनि धीरजु परिहरइ न केही ॥
भए बिकल खग मृग एहि भाँति। मनुज दसा कैसें कहि जाती ॥

203

राउ बहोरि उतरि भए ठाढ़े। प्रेम प्रबाह बिलोचन बाढ़े ॥
तब बिदेह बोले कर जोरी। बचन सनेह सुधाँ जनु बोरी ॥

204

राम करौ केहि भाँति प्रसंसा। मुनि महेस मन मानस हंसा ॥
करहिं जोग जोगी जेहि लागी। कोहु मोहु ममता मदु त्यागी ॥
बार बार मागउँ कर जोरें। मनु परिहरै चरन जनि भोरें ॥

205

मिले लखन रिपुसूदनहि दीन्हि असीस महीस ॥
भए परस्पर प्रेमबस फिरि फिरि नावहिं सीस ॥ ३४२ ॥

206

चली बरात निसान बजाई। मुदित छोट बड़ सब समुदाई ॥
रामहि निरखि ग्राम नर नारी। पाइ नयन फलु होहिं सुखारी ॥

207

बीच बीच बर बास करि मग लोगन्ह सुख देत ॥
अवध समीप पुनीत दिन पहुँची आइ जनेत ॥ ३४३ ॥

208

आए ब्याहि रामु घर जब तें। बसइ अनंद अवध सब तब तें ॥
प्रभु बिबाहँ जस भयउ उछाहू। सकहिं न बरनि गिरा अहिनाहू ॥

209

कबिकुल जीवनु पावन जानी ॥ राम सीय जसु मंगल खानी ॥
तेहि ते मैं कछु कहा बखानी। करन पुनीत हेतु निज बानी ॥

210

निज गिरा पावनि करन कारन राम जसु तुलसी कह्यो ॥
रघुबीर चरित अपार बारिधि पारु कबि कौनें लह्यो ॥
उपबीत ब्याह उछाह मंगल सुनि जे सादर गावहीं ॥
बैदेहि राम प्रसाद ते जन सर्बदा सुखु पावहीं ॥

211

सिय रघुबीर बिबाहु जे सप्रेम गावहिं सुनहिं ॥
तिन्ह कहुँ सदा उछाहु मंगलायतन राम जसु ॥ ३६१ ॥

...

All verses — open any as its own page

मंगलाचरण · Mangalacharan

1 2 3 4 5 6 7 8 9 10 11 12 13 14 15 16 17 18 19

कथा प्रारम्भ — शिव-पार्वती संवाद · Katha Prarambh — Shiva-Parvati Samvad

20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

अवतार कारण · Avataar Karan

49 50 51 52 53 54 55

राम जन्म · Ram Janm

56 57 58 59 60 61 62 63

बालचरित · Balcharit

64 65 66 67 68 69 70 71 72 73 74 75 76 77 78 79 80 81 82 83 84

विश्वामित्र आगमन · Vishwamitra Aagaman

85 86 87 88 89 90 91 92 93 94 95 96 97 98 99 100 101 102 103 104 105 106 107

ताड़का-वध एवं सिद्धाश्रम · Tadaka Vadh & Siddhashram

108 109 110 111 112 113 114 115 116 117 118 119

अहल्या उद्धार · Ahalya Uddhaar

120 121 122 123 124 125 126 127 128 129

जनकपुर आगमन · Janakpur Aagaman

130 131 132 133 134 135 136 137 138 139 140 141 142 143 144 145 146 147 148 149

धनुष-यज्ञ एवं सीता-स्वयंवर · Dhanush Yagna & Sita Swayamvar

150 151 152 153 154 155 156 157 158 159 160 161 162 163 164 165 166 167 168

परशुराम संवाद · Parashuram Samvad

169 170 171 172 173 174 175 176 177 178 179 180 181 182 183 184

विवाह एवं विदाई · Vivah & Vidai

185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211

Frequently Asked Questions

What does the Bala Kand of the Ramcharitmanas cover?

The Bala Kand (बालकाण्ड) of Goswami Tulsidas' Ramcharitmanas covers the divine birth and childhood of Lord Rama — his education with sage Vishwamitra, the breaking of Shiva's bow, and his marriage to Sita. On VedKosh you can read its complete dohas, chaupais and sorthas in Devanagari with Hindi meaning (bhavarth).

Is the Bala Kand text on VedKosh authentic?

Yes — VedKosh presents the authentic Goswami Tulsidas Ramcharitmanas Bala Kand in the original Avadhi (Devanagari), with a faithful Hindi meaning for each verse and a deep-link page for every doha/chaupai.

How should the Bala Kand be recited?

The Bala Kand is recited with devotion, ideally after a bath in a clean, quiet place, beginning with a prayer to Ganesha and one's guru. Many devotees read a fixed number of dohas daily; reciting an entire kand in one sitting is also a common practice (a "paath").

Updated for 2026

Independently reviewed for authenticity. Please verify meanings and rituals yourself before following.

Bala Kand Shree Ramcharitmanas by Goswami Tulsidas — Rama's Birth, Childhood, Sita Swayamvar & Divine Marriage

1. मंगलाचरण

2. कथा प्रारम्भ — शिव-पार्वती संवाद

3. अवतार कारण

4. राम जन्म

5. बालचरित

6. विश्वामित्र आगमन

7. ताड़का-वध एवं सिद्धाश्रम

8. अहल्या उद्धार

9. जनकपुर आगमन

10. धनुष-यज्ञ एवं सीता-स्वयंवर

11. परशुराम संवाद

12. विवाह एवं विदाई

Frequently Asked Questions

What does the Bala Kand of the Ramcharitmanas cover?

Is the Bala Kand text on VedKosh authentic?

How should the Bala Kand be recited?

Continue Your Spiritual Journey

Daily Quiz

Recent Activity

Bala Kand Shree Ramcharitmanas by Goswami Tulsidas — Rama's Birth, Childhood, Sita Swayamvar & Divine Marriage

1. मंगलाचरण

2. कथा प्रारम्भ — शिव-पार्वती संवाद

3. अवतार कारण

4. राम जन्म

5. बालचरित

6. विश्वामित्र आगमन

7. ताड़का-वध एवं सिद्धाश्रम

8. अहल्या उद्धार

9. जनकपुर आगमन

10. धनुष-यज्ञ एवं सीता-स्वयंवर

11. परशुराम संवाद

12. विवाह एवं विदाई