ஸ்ரீ ஹனுமான் ஸ்தவன்

श्री हनुमान स्तवन (Shree Hanuman Stawan) सोरठा (Soratha) प्रनवउँ पवनकुमार खल बन पावक ग्यानघन। जासु हृदय आगार बसहिं राम सर चाप धर॥ स्तवन (Stavan) अतुलितबलधामं हेमशैलाभदेहं, दनुजवनकृशानुं ज्ञानिनामग्रगण्यम्। सकलगुणनिधानं वानराणामधीशं, रघुपतिप्रियभक्तं वातजातं नमामि॥१॥ गोष्पदीकृतवारीशं मशकीकृतराक्षसम्। रामायणमहामालारत्नं वन्देऽनिलात्मजम्॥२॥ अञ्जनानन्दनं वीरं जानकीशोकनाशनम्। कपीशमक्षहन्तारं वन्दे लङ्काभयङ्करम्॥३॥ उल्लङ्घ्य सिन्धोः सलिलं सलीलं, यः शोकवह्निं जनकात्मजायाः। आदाय तेनैव ददाह लङ्कां, नमामि तं प्राञ्जलिराञ्जनेयम्॥४॥ आञ्जनेयमतिपाटलाननं, काञ्चनाद्रिकमनीयविग्रहम्। पारिजाततरुमूलवासिनं, भावयामि पवमाननन्दनम्॥५॥ यत्र यत्र रघुनाथकीर्तनं, तत्र तत्र कृतमस्तकाञ्जलिम्। बाष्पवारिपूर्णलोचनं, मारुतिं नमत राक्षसान्तकम्॥६॥